Սննդակարգում սունկ ներառելը բարենպաստ է ազդում մարդու իմունային համակարգի վրա:
Ամերիկացի մասնագետների հետազոտությունները ցույց են տվել, որ ուտելի բոլոր սնկերը մեծ քանակությամբ D վիտամին են պարունակում, որը կարեւոր դեր է կատարում կալցիումի եւ ֆոսֆորի որակյալ յուրացման հարցում: Գիտնականների խոսքով՝ սննդակարգում սունկ ներառելն օգնում է գրեթե ամբողջությամբ փոխարինել D վիտամինի ընդունումը: Բացի այդ՝ սունկը բարենպաստ ազդեցություն է ունենում մարդու իմունային համակարգի վրա:
Հետազոտողները նշում են, որ սնկից պատրաստված ուտեստները նպաստում են կալցիումի յուրացմանը, ինչը դրական է ազդում ատամների եւ ոսկորների վրա: Գիտափորձի շրջանակում կամավորները կանոնավորապես սննդում օգտագործել են D վիտամին կամ սնկային փոշի, որը նախապես ենթարկվել է արեւային ուլտրամանուշակագույնի ազդեցության: Հետազոտության ավարտին բոլոր կամավորների արյան մեջ D վիտամինի մակարդակը գրեթե միանման է եղել:
Այսպիսով, սունկը միանգամայն կարող է փոխարինել թանկարժեք վիտամինային հավելումներին:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր