Պարբերաբար լոբի ուտելու 5 պատճառ  

Բրինձը եւ տապակած կարտոֆիլը գարնիրի համար լավագույն ընտրությունը չեն. դրանց փոխարեն մսից կերակուրների եւ աղցանների հետ կարելի է... լոբի ուտել:

Ձեր ուշադրությանն ենք ներկայացնում լոբին ձեր օրաբաժնում պարբերաբար ներառելու համար մի քանի  պատճառ.

Լոբու մեջ մեծ քանակությամբ բջջանյութ կա

Լոբու մեջ մեծ քանակությամբ բջջանյութ կա, որի շնորհիվ այն երկար ժամանակ կուշտ է պահում եւ օգնում է պայքարել ավելրոդ քաշի դեմ: Շատ լոբի ուտող մարդիկ ավելրոդ քաշի խնդիրներ ավելի հազվադեպ են ունենում:

Լոբին շատ ամինաթթուներ է պարունակում

Լոբու մեջ բավական շատ օգտակար ամինաթթուներ կան, որոնք անհրաժեշտ են օրգանիզմի նորմալ աշխատանքի ժամանակ: Լոբու մեջ պարունակվող սպիտակուցները, անհրաժեշտ են ոչ միայն մկաների աճի համար, այլեւ օրգանիզմի բոլոր բջիջների առողջության ապահովման համար:

Լոբին օգտակար է դիաբետ ունեցողների համար

Լոբին բջջանյութի եւ դրա մեջ պարունակվող այլ նյութերի շնորհիվ կանխարգելում է  արյան գլյուկոզայի մակարդակի կտրուկ տատանումները, ուստի լոբին շատ օգտակար է դիաբետիկների համար:

Լոբին օգտակար է սրտի համար

Ամեն օր լոբի ուտելու դեպքում սրտի կաթվածների եւ սրտի հետ կապված այլ խնդիրների զարգացման վտանգը նվազում է: Դա տեղի է ունենում նույն բջջանյութի շնորհիվ, որը նվազեցնում է արյան մեջ վատ խոլեստերինի մակարդակը:

Լոբին օգտակար է մարսողության համար

Լոբին օգտակար է նաեւ մարսողության համար եւ մասնավորապես աղիքների աշխատանքի համար: Այն ամրացնում է աղիքների առողջությունը նաեւ առողջ մանրէների ավելացման շնորհիվ, որոնք կանխում են շատ հիվանդություններ:

Հետևեք NEWS.am Medicine-ին Facebook-ում և Twitter-ում