• Latest news

Ամենաուշագրավը շաբաթվա ընթացքում. ի՞նչ եք բաց թողել 2020 թվականի հունվարի 11-18-ը

19 հունվարի, 2020  11:26

Ուշագրավ ի՞նչ իրադարձություններ են տեղի ունեցել 2020 թվականի հունվարի 11-18-ը: Ո՞ր լուրերը դուք, գուցե, բաց եք թողել:

Հայ բժիշկների ձեռքբերումները

«Էրեբունի» ԲԿ-ի վիրաբույժները վերականգնել են հիվանդի կտրված ձեռքը: 7 ժամ տեւած վիրահատությունից հետո Արամ Ղազարյանը կարող է կրկին շարժել ձեռքն ու անգամ աշխատել: Մանրամասները հղմամբ՝ https://med.news.am/arm/news/24825/erebuni-bk-virabuyzhnery-verakangnel-en-amboxjovin-ktrvats-dzerqy-video.html

Հետազոտություններ

Ցյուրիխի համալսարանի գիտնականներն առաջարկել են մեկ շաբաթ շարունակ դոնորական լյարդի եւ այլ խոշոր օրգանների կենսունակությունը պահպանելու նոր միջոց: Ներկայումս փոխպատվաստման օրգանները պահպանվում են առավելագույնը 18 ժամ եւ հաճախ դառնում են անպիտան: Մանրամասները՝ https://med.news.am/arm/news/24851/gitnakannery-donorayin-organnery-mi-amboxj-shabat-pahelu-mijoc-en-arajarkel.html

3D տպիչով պատրաստված իմպլանտները կարող են օգնել խուսափել կաթվածից ողնաշարի վնասվածքների դեպքում: Չինացի մասնագետները հաջողությամբ անցկացրել են վիրահատություն՝ փոխարինելով քաղցկեղի հետեւանքով վնասված երեք ողերը տիտանից արհեստական իմպլանտներով, որոնք պատրաստվել էին 3D տպիչով: Մանրամասներն այստեղ՝ https://med.news.am/arm/news/24842/3d-printery-oxnashari-vnasman-hetevanqov-katvatsic-khusapelu-hnaravorutyun-kta.html

Biogen ընկերությունը գնել է  Pfizer դեղագործական հսկայից Ալցհեյմերի եւ Պարկինսոնի հիվանդության դեմ փորձարարական դեղամիջոցի իրավունքը: Չնայած այդ դեղամիջոցը գտնվում է մշակման վաղ փուլում՝ դրա կլինիկական հետազոտությունները նախատեսվում է սկսել արդեն այս տարի: Մանրամասները՝ https://med.news.am/arm/news/24876/shukayum-karox-e-parkinsoni-ev-alcheymeri-hivandutyunneri-dem-nor-mijoc-haytnvel.html

ԱՄՆ-ի Առողջության ազգային ինստիտուտի գիտնականներն առաջարկել են ինստուլտի հետեւանքները բուժելու նոր մեթոդ: Նրանք առաջարկում են օգտագործել էքզոսոմներ՝ միջբջջային կապի գործընթացի միջնորդներ: Մանրամասները՝ https://med.news.am/arm/news/24874/katvatsi-nor-terapia-ekzosomnery-karox-en-argelakel-bjjayin-mahvan-procesy.html

Մի քանի ուշագրավ հետազոտություններ վերաբերել են առողջության վրա ծխելու ազդեցությանը: Այսպես, գիտնականները պարզել են, որ ծխող մարդիկ 2-3 անգամ ավելի հաճախ են բախվում ընկճախտի եւ այլ հոգեբանական խնդիրների հետ (https://med.news.am/arm/news/24862/tskhox-mardik-2-3-angam-aveli-hatchakh-en-depresia-unenum.html), ծխող մարդկանց վերականգնումն ինսուլտից հետո ավելի բարդ է (https://med.news.am/arm/news/24892/tskhox-mardik-dzhvar-en-verakangnvum-katvatsic-heto-hetazotutyun.html), դեռ ավելին, կալյանը, որը շատերը համարում են անվնաս, կարող է մահացու վտանգավոր լինել, քանի որ բարձրացնում է թրոմբերի առաջացման ռիսկը (https://med.news.am/arm/news/24887/kalyan-tskhely-karox-e-mahacu-vtangavor-linel-hetazotutyun.html):

Եւս մեկ հետաքրքիր հետազոտություն ցույց է տվել, որ կարծիքը, թե իբրեւ էլեկտրոնային ծխախոտը «95 տոկոսով անվտանգ է՝ ի տարբերություն սովորական ծխախոտի», չի համապատասխանում իրականությանը (https://med.news.am/arm/news/24831/elektronayin-tskhakhotn-iskapes-95-tokosov-aveli-anvtang-e-sovorakanic.html):

Քաղցկեղի բուժում

Փենսիլվանիայի համալսարանի գիտնականները (Ռոբերթսի պրոտոնային թերապիայի կենտրոն) առաջարկում են ճառագայթային թերապիայի համար կիրառել լիցքավորված մասնիկներ սովորական ռենտգենային ճառագայթների փոխարեն: Դա թույլ կտա նվազեցնել անցանկալի կողմնակի ազդեցությունը: Գիտնականները համոզված են, որ այդ մեթոդը, որը հայտնի է որպես FLASH-ռադիոթերապիա, կիրականացնի իսկական հեղափոխություն օնկոլոգիայի ոլորտում: Մանրամասներն այստեղ՝ https://med.news.am/arm/news/24822/flash-radioterapian-karox-e-hexapokhel-qaxckexi-buzhumy.html

Վերջին տարիներին քաղցկեղի բուժումը սկսել է ավելի հազվադեպ հանգեցնել սրտի հիվանդություններին: Այդ տվյալները մատնանշում են, որ հակաքաղցկեղային թերապիայի կողմնակի ազդեցության կրճատմանն ուղղված ջանքերը զգալի հաջողություն են գրանցել: Մանրամասները՝ https://med.news.am/arm/news/24888/qaxckexi-buzhumn-arden-aveli-hazvadep-e-hangecnum-srti-hivandutyunneri-arajacmany.html

Պատմություններ մարդկանց մասին

Անգլիական Էսեքս կոմսությունից 26-ամյա Նիկոլա Գինեսը ծնվել էր երկու արգանդով: Չհետեւելով բժիշկների խորհրդին՝ նա անցել էր բարդ եւ վտանգավոր վիրահատություն, որից հետո կարողացել առողջ երեխա ծննդաբերել: Մանրամասները՝ https://med.news.am/arm/news/24878/erku-argandov-kiny-chi-lsel-bzhishknerin-ev-aroxj-erekha-e-tsnel-foto.html

Անգլիական Ուինչեսթեր քաղաքից (Հեմփշիր կոմսություն) Շարլոտա Բրոդը մանուկ հասակից սնվել է չիփսերով, հավի նագեթներով եւ կրեկերներով: 32 տարեկանում նա մահացել է թերսնուցման պատճառով: Մանրամասները՝ https://med.news.am/arm/news/24854/kinn-amboxj-kyanqum-miayn-chipser-e-kerel-ev-mahacel-e-tersnman-pattcharov.html

Հնդկաստանից 10-ամյա Ջահանաթը տառապում է հազվագյուտ հիվանդությամբ, որի պատճառով նրա մաշկը նման է օձի թեփուկներին: Հարեւաններն անգամ անվանել են նրան «մարդ-օձ»: Մանրամասները հղումով՝ https://med.news.am/arm/news/24843/hazvagyut-hivandutyamb-txayi-mashky-nmanvel-e-odzi-mashki-foto.html

Ուշագրավ փաստեր

Ինչո՞ւ է անհրաժեշտ նոր հագուստը լվանալ կրելուց առաջ: Մասնագետի կարծիքը հղումով՝ https://med.news.am/arm/news/24818/petq-e-ardyoq-lval-nor-hagusty-hagneluc-araj.html

Ինչո՞ւ են մարմնի վրա հաճախակի կապտուկներ առաջանում: Հնարավոր պատճառների մասին հղումով՝ https://med.news.am/arm/news/24829/kaptukneri-arajacman-6-hnaravor-pattchar.html

Ինչի՞ մասին կարող է հուշել քնի ժամանակ ձեր դիրքն ու ինչպե՞ս կարող է այն ազդել ձեր առողջության վրա. https://med.news.am/arm/news/24840/koxqi-mejqi-te-pori-vra%E2%80%A4-or-dirqum-e-aveli-lav-qnel.html

Ինչո՞ւ է անհրաժեշտ լվանալ բանաններն օգտագործելուց առաջ: Ինչո՞ւ է կարեւորվում ձեռքերը լվանալը բանանը կեղեւազրկելուց հետո. https://med.news.am/arm/news/24838/inchu-e-aydqan-karevor-banany-maqreluc-heto-dzerqery-lvanal.html

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է