• Latest news

Կորոնավիրուսի դեմ պատվաստված, բայց COVID-19-ից մահացած 23 քաղաքացիները 70-ից բարձր էին, ունեին քրոնիկ հիվանդություններ. Անահիտ Ավանեսյան

29 նոյեմբերի, 2021  12:39

Հայաստանում COVID-19-ից մահվան 23 դեպք է գրանցվել կորոնավիրուսի դեմ երկու դեղաչափով պատվաստված քաղաքացիների շրջանում: Այս մասին լրագրողների հետ զրույցում ասաց առողջապահության նախարար Անահիտ Ավանեսյանը:

Այդ քաղաքացիները, Ավանեսյանի խոսքով, 70-ից բարձր էին, ունեին քրոնիկ հիվանդություններ, այդ թվում շաքարային դիաբետ, չարորակ հիվանդություններ, սրտի իշեմիկ հիվանդություն, լյարդի ցիռոզ, բարձր ճնշում եւ այլ խնդիրներ:

Նախարարի խոսքով, նման հիվանդություններ ունեցող քաղաքացիները COVID-19-ը առավել ծանր են տանում եւ վատ ելքի ավելի մեծ ռիսկ ունեն, սակայն չպատվաստվելու դեպքում այդ ռիսկերը շատ ավելի մեծ են:

Հիշեցնենք, որ Հայաստանում COVID-19-ով հոսպիտալացված քաղաքացիների ընդամենը 3.5 տոկոսն է պատվաստված: Այս պահի դրությամբ Հայաստանում գրանցված է COVID-19-ի 13 562 ակտիվ դեպք, որոնցից 1092-ը (8.1 տոկոսը) պատվաստված են: Հոսպիտալացված 2900 քաղաքացիներից 102-ն են պատվաստված՝ ընդամենը 3.5 տոկոսը: Ծանր վիճակում գտնվող պացիենտներից ընդամենը 9-ն են պատվաստված:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։