Ի՞նչ զարմանալի հատկություններ ունի ծիրանը

Ամռանը հասունանում են բազմաթիվ հատապտուղներ եւ մրգեր, որոնք կարող են մեծ օգուտ բերել առողջությանը։ Դրանց թվում է նաեւ շատերի սիրելի ծիրանը։ Դրա անսպասելի եւ օգտակար հատկությունների մասին «Вечерняя Москва»-ի հետ զրույցում նշել է բժիշկ-սննդաբան Ելենա Սոլոմատինան։

Մասնագետի խոսքով՝ ծիրանը վերադարձնում է սուր տեսողությունը եւ ամրացնում անոթները։

«Ծիրանը նպաստավոր ազդեցություն է ունենում նյարդային եւ սիրտ-անոթային համակարգի վրա»,- նշել է սննդաբանը։

Նա ընդգծել է, որ ծիրանը նաեւ հագեցնում է ծարավը, չէ՞ որ այն 85 տոկոսով բաղկացած է ջրից։

Բացի այդ, ծիրանը բարելավում է հիշողությունը, բարձրացնում սթրեսակայունությունը, ինչպես նաեւ օրգանիզմին հաղորդում է ուժ վիրուսային հիվանդությունների դեմ պայքարում, ամփոփել է Սոլոմատինան։ 

Հետևեք NEWS.am Medicine-ին Facebook-ում և Twitter-ում