• Latest news

Հայտնաբերվել են իմունոթերապիային՝ թոքերի քաղցկեղի մետաստազները ոչնչացնելուն խանգարող մանրէներ

10 ապրիլի, 2024  01:12

Ամերիկացի և եվրոպացի մոլեկուլային կենսաբանները հայտնաբերել են, որ թոքերի քաղցկեղի մետաստազները զգալիորեն ավելի դիմացկուն են դառնում իմունոթերապիայի նկատմամբ, եթե այս երկրորդական ուռուցքներում առկա են Fusobacterium սեռի բակտերիաների գաղութներ: Դրա մասին երեքշաբթի հայտնել է Նիդերլանդների քաղցկեղի հետազոտական ինստիտուտի (NCI) մամուլի ծառայությունը։

NCI-ի հետազոտող Այրիս Միմպենը հայտնել է, որ  իրենց հետազոտությունը ճանապարհ է հարթում մետաստազային թերապիայի բակտերիաների ոչնչացման ուղղված նոր ձևերի մշակման համար, որոնք խթանում են ուռուցքի աճը և պաշտպանում դրանք իմունոթերապիայի հետևանքներից:

«Հիմա ավելի լավ ենք հասկանում՝ ինչպես են ուռուցքների ներքին միջավայրի՝ մեծ թվով տարբեր տեսակի բջիջներ պարունակող բաղադրիչները, ներառյալ բակտերիաները, ազդում միմյանց վրա», - ասում է գիտնականը:

Գիտնականները նման եզրակացության են հանգել քաղցկեղի մետաստազների՝ մեծ թվով տեսակների ներքին միջավայրի կառուցվածքի ուսումնասիրությանն ուղղված լայնածավալ նախագծի շրջանակում:

Ընդհանուր առմամբ, մոլեկուլային կենսաբաններն ուսումնասիրել են քաղցկեղի 26 տարբեր տեսակների երկրորդական ուռուցքների ավելի քան 4100 նմուշների պարունակությունը և վերլուծել, թե ինչպես են դրանցում առկա բակտերիաների տեսակների բազմազանությունն ու քանակը ազդում ուռուցքների աճի վրա:

Սկզբում հետազոտողներն ակնկալում էին մեծ քանակությամբ մանրէներ տեսնել միայն աղիների և մարսողական այլ օրգանների քաղցկեղի հետ կապված մետաստազներում:

Նրանց վերլուծությունը ցույց է տվել, որ բակտերիաները ներկա են գրեթե բոլոր մետաստազներում, և շատ դեպքերում դրանց տեսակների կազմը և քանակը մեծապես ազդել են ուռուցքային բջիջներում գեների գործունեության, նրանց նյութափոխանակության արագության և տարբեր տեսակի թերապիաների նկատմամբ դիմադրության վրա:

Մասնավորապես, գիտնականները պարզել են, որ թոքերի քաղցկեղի մետաստազների ներսում Fusobacterium տեսակի մեծ քանակությամբ մանրէների հայտնվելը հանգեցրել է ուռուցքային բջիջների դիմադրողականության զգալի աճի նիվոլումաբի և իմունոթերապիայի այլ ձևերի նկատմամբ, երբ իմունային համակարգն ավելի ակտիվորեն է հարձակվում ուռուցքների վրա:

Իր հերթին, Actinomyces, Bacteroidetes և Prevotella տեսակների բակտերիաների առկայությունը մետաստազների այլ ձևերում, ընդհակառակը, մեծացրել է քաղցկեղի բուժման արդյունավետությունը:

Հետազոտողների կարծիքով՝ իրենց հավաքած տեղեկությունը մատնանշում է նոր թերապիաների ստեղծման հնարավորության մասին, որոնք կբարձրացնեն քաղցկեղի իմունոթերապիայի արդյունավետությունը, ինչպես նաև մետաստազների դեմ պայքարի հնարավոր այլ մեթոդներ:

Հետազոտողները եզրակացրել են, որ դա զգալիորեն կբարձրացնի այն հիվանդների գոյատևման հավանականությունը, որոնց օրգանիզմում առաջնային ուռուցքների հեռացումից կամ ոչնչացումից հետո երկրորդական ուռուցքներ են առաջացել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է