Կալցիումը ամենակարեւոր դերակատարումներից մեկն ունի՝ մարդու օրգանիզմի համար: Հենց դրա շնորհիվ են ոսկրերն ու ատամներն՝ ամուր, իսկ մազերն էլ՝ առողջ մնում: Եւ հենց կալցիումն է օստեոպորոզի՝ ոսկրերի թուլացմամբ եւ նույնիսկ փոքր վնասվածքից, երբեմն նաեւ հասարակ փռշտոցից կամ հազից ջարդվածքով բնորոշվող հիվանդության կանխարգելման միջոց ծառայում:
Իսկ ինչպե՞ս իմանալ՝ արդյոք կալցիումի պակաս կա՞ օրգանիզմում
1. Ատամներ
Օրգանիզմում կալցիումի պակասի մասին ատամների վիճակից կարելի է դատել. եթե դրանք չափազանց զգայուն են դարձել՝ թթու սննդատեսակների նկատմամբ, իսկ էմալի ծածկույթն էլ բարակել է կամ ամբողջությամբ մաշվել՝ առաջին նշանն ունեք առ այն, որ օրգանիզմին շտապ կալցիում է հարկավոր:
2. Եղունգներ եւ մազեր
Եղունգների եւ մազերի վիճակը եւս շատ բան կհուշեն՝ օրգանիզմի մասին: Եթե դրանք էլ փխրուն են դառնում՝ պատճառը օրգանիզմում կալցիումի պակասը կարող է լինել:
3. Քաղցրեղեն
Որոշ մասնագետներ պնդում են, որ եթե մարդու մոտ քաղցրեղենով սնվելու անորոշ ցանկություն է առաջանում, այն եւս կարող է օրգանիզմում կալցիումի պակասի մասին վկայել: Նման դեպքերում կալցիում կամ դրա բաղադրությամբ հարուստ սնունդ ընդունելուց հետո քաղցրեղենով սնվելու ցանկությունը վերանում է:
4. Ոսկորներ
Իսկ եթե հաճախ, եւ գլխավորապես՝ գրեթե առանց պատճառի, կոտրվածքներ եք ունենում, երեւույթի պատճառն արդեն ոչ թե կալցիումի պակասը, այլ միանգամայն լուրջ՝ բժշկի անհապաղ օգնությունը պահանջող խնդիր կարող է լինել:
Օրգանիզմում կալցիումի պակասը լրացնելու համար հարկավոր է ամենօրյա սննդակարգի մեջ կալցիումով առավել հարուստ սննդատեսակներ ներառել. բազմաթիվ մասնագետներ պնդում են, որ սնունդի հետ օրգանիզմ անցած կալցիումը, ի տարբերություն սննդային հավելումների, ավելի հեշտ է մարսվում:
Ի միջի այլոց, օրգանիզմում կալցիումի ավելցուկը (թեւ այն ներկայումս խիստ հազվադեպ է պատահում) եւս վնասակար բնույթ ունի: Այն մասին, թե օրական որքան կալցիում է Ձեզ հարկավոր, կարող ես հետեւյալ հղմամբ իմանալ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր