Ինչպե՞ս կանխել հիպոթերմիան

Հիպոթերմիան մարմնի ջերմաստիճանի անկումն է մինչեւ 35,5◦C: Երբ մարմնի ջերմաստիճանն ընկնում է, մարդկանց զգայարաններն զգալիորեն տուժում են, որի պատճառով ոմանք շատ ապակողմնորոշվող են դառնում, մյուսների մոտ էլ հալյուցինացիաներ են առաջանում: Արդյունքում անբնորոշ վարքագիծ է ձեւավորվում, իսկ մարդկանց դատողության եւ իրենք իրենց մասին հոգ տանելու ունակությունը խանգարվում է:

Երկարատեւ հիպոթերմիայի դեպքում մեր սրտի ռիթմն ականոն է դառնում, իսկ առանց բժշկական միջամտության հիպոթերմիան կարող է մահվան պատճառ դառնալ: Իհարկե, դրա համար ժամանակ է հարկավոր, որի ընթացքում մեր ուղեղը փորձում է դանդաղեցնել սառչելու ազդեցությունները՝ առաջացնելով ջերմություն արտադրող ինքնաբեր մկանային կծկումներ:

Ինչեւէ, մի շարք կանխարգելիչ միջոցներ կարող են օգնել ոչ միայն խուսափել թերջերմությունից, այլեւ մարդուն փրկել մահից:

Ոմանք կարծում են, որ հիպոթերմիան առաջանում է միայն չափազանց ցուրտ ջերմաստիճանների դեպքում, այնինչն թացությունը եւ քամին եւս նպաստում են դրան: Կարող է դրսում արեւոտ օր լինել, բայց եթե մարդը երկար ժամանակով ենթարկվի բոլոր այս երեք երեւույթներին միաժամանկ, կառաջանա թերջերմություն:

Սրա համար պարզապես պետք է հետեւել մի քանի պարզագույն կանոնների.

• Հագնվեք եղանակին համապատասխան՝ չմոռանալով գլխարկի, վերարկուի, ձեռնոցների մասին: Ծայրահեղ ցրտի դեպքում հատուկ քսուքներով պաշտպանեք նաեւ դեմքը:

• Չորություն պահպանեք:

• Շատ ցուրտ եղանակի դեպքում աշխատեք քիչ մնալ դրսում:

• Խուսափեք ալկոհոլից:

• Ցուրտ եղանակներին արշավների, ուղեւորությունների, դահուկ քշելու եւ այլ զբաղնունքների դեպքում միայնակ մի գնացեք, Ձեզ մոտ միշտ բջջային հեռախոս, ռացիա կամ այլ միջոցներ պահեք, որպեսզի կարողանաք օգնության համար ազդանշան տալ:

Հետևեք NEWS.am Medicine-ին Facebook-ում և Twitter-ում