Ամեն տասներորդ ամերիկացին շաբաթն առնվազն մեկ անգամ այրոցի նոպա է ունենում: Եթե այս խնդիրն անուշադրության մատնենք, դա կարող է ավելի լուրջ խնդիրների հանգեցնել, օրինակ` գաստրոէզոֆագային ռեֆլյուկսային հիվանդության:
Թթվային ռեֆլյուքի կանխարգելման համար Foxnews.com-ից բժիշկ Մաննի Ալվարեզը խորհուրդ է տալիս.
• Չծխել
• Ավելի զգույշ լինել դեղերի եւ սննդային հավելումների հետ
• Ալկոհոլ չօգտագործել
• Ջանալ ավելի քիչ յուղային սնունդ ուտել
• Ցիտրուսներ չուտել
• Սթրեսի չենթարկվել
• Պայքարել ավելորդ քաշի դեմ
Դեղատներում թթվային ռեֆլյուքսի ախտանիշների դեմ պայքարելու բազմաթիվ դեղամիջոցներ կան, բայց կան նաեւ որոշ «բնական» մեթոդներ:
Ծամոն. Ճաշից հետո փորձիր առանց շաքարի ծամոն ծամել
Մատուտակի արմատ. Կարծիք կա, թե մատուտակի արմատն օգտակար է ստամոքսի համար եւ հանգստացնում է այն: Բայց զգույշ եղեք. չի կարելի շատ ուտել, հակառակ դեպքում տհաճ երկրորդական հետեւանքներ կլինեն:
Սոդա. Կես թեյի գդալ սոդան մի բաժակ ջրում կարող է չեզոքացնել ստամոքսի թթվայնությունը:
Հալվե. Այս բույսը կարող է օգնել ստամոքսի բորբոքման դեմ պայքարում: Սակայն չարժե շատ հալվե խմել, որովհետեւ դա նաեւ թուլացնող ազդեցություն ունի:
Մելատոնին. Այս նյութի ընդունումը կարող է պաշտպանել մարսողական տրակտը:
Բժիշկ Մաննի Ալվարեսը նշում է, որ բուժման այս մեթոդներից ոչ բոլորն են արժանացել ամերիկյան Food and Drug Administration-ի հավանությանը եւ դրանք կիրառելուց առաջ, ցանկալի է այնուամենայնիվ խորհրդակցել բժշկի հետ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր