նախընտրելի դարձնել
Եթե մարդու մատանեմատը եւ ցուցամատը գործնականում նույն երկարությունն ունեն, դա կարող է նախանշան լինել, որ նա սուր օսթեոարթրոզ կունենա՝ ծնկահոդի հետագա փոխարինմամբ, ասված է նոր հետազոտության մեջ:
Ավստրալիայում փորձագետները չափել են միջին մեծ տարիքի ավելի քան 14 500 մարդու մատների երկարությունները եւ նրանց հետեւել 10 տարվա ընթացքում: Այդ ընթացքում նրանցից 580-ը ծնկահոդի լրիվ էնդոպրոթեզավորում են արել, իսկ 500-ը՝ ազդրի լրիվ էնդոպրոթեզավորում:
Պարզվել է, որ բոլոր վիրահատված մասնակիցների մատանեմատը եւ ցուցամատը գրեթե նույն երկարության են եղել, ընդ որում՝ առավել հուսալի են եղել աջ ձեռքի վրա արված չափումները: Հետազոտությունը հրապարակվել է Rheumatology ամսագրում, տեղեկացնում է Newsmax Health-ը։
Արտրոզը հոդերի բնական մաշվածքն է՝ արթրիտի առավել ամենատարածված ձեւերից մեկը:
Հետազոտողները չեն կարող հիմնովին բացատրել այս ֆենոմենը: Հնարավոր է՝ հետազոտության հավասար մատանեմատ եւ ցուցամատ ունեցող մասնակիցներն ավելի շատ ծանր ֆիզիկական աշխատանք են կատարել՝ այդպիսով հոդերը ենթարկելով վաղ մաշվածության վտանգին:
