նախընտրելի դարձնել
Սապպորո քաղաքի բժշկական համալսարանի ճապոնացի մասնագետները 2014 թվականին մեկնարկն են տալու ոչ էմբրիոնալ ծագման ցողունային բջիջների (iPS- բջիջներ) միջոցով ողնաշարի վնասված հյուսվածքների վերականգնման աշխարհում առաջին ծրագրի։
Ճապոնացի բժիշկների կարծիքով օրգանիզմի կողմից նոր բջիջների մերժման հավանականությունը նվազագույնն է, քանի որ դրանք ստացվելու են հենց հիվանդներից վերցված նմուշներից:
Ճապոնացի մասնագետների բժշկական հետազոտությանը մասնակցություն կունենան ողնաշարի լուրջ վնասվածքներով 24 –ից 60 տարեկան մոտ 30 մարդ: Այս մտահղացման հաջողությունը ոչ միայն լիարժեք կյանք կպարգեւի այս երեք տասնյակ հիվանդներին, այլեւ կվերականգնի ամբողջ աշխարհի միլիոնավոր մարդկանց հույսը, ովքեր ավտովթարների կամ այլ դժբախտ պատահարների պատճառով վնասել են ողնաշարը:
«Ճապոնիայում տարեկան տեղի է ունենում մոտ 5 հազար նմանատիպ միջադեպ, իսկ ողնաշարի վնասվածքների լիարեժեք եւ հուսալի բուժման մեթոդ դեռեւս չի մշակվել»,- նշեց պրոֆեսոր Տոսիհիկո Յմասիտան՝ խմբի առաջատարներից մեկը:
