Ավելի քան 250 գիտնականներ պետիցիա են ստորագրել, որն ուղղել են ՄԱԿ եւ ԱՀԿ: Դրանում նշվում են անլար տեխնոլոգիաների օգտագործման հետեւանքով քաղցկեղի զարգացման վտանգները:
Խոսքը ռադիոհաճախական ճառագայթում օգտագործող սարքերի մասին է, այդ թվում Bluetooth-ի, Wi-Fi-ի եւ բջջային կապի:
Ամենից շատ մտահոգիչ են անլար ականջակալները, որոնք ճառագայթներն ուղղում են անմիջապես ականջի ուղու մեջ:
Գիտնականները չեն բացառում, որ դրանց բացասական ազդեցությունը կարող է տարածվել մարդու ուղեղի վրա:
Կենդանիների վրա արված փորձերը հաստատում են, որ տվյալ սարքերի ռադիոհաճախական ճառագայթման եւ քաղցկեղի միջեւ իսկապես կապ կա: Ընդ որում որոշ դեպքերում ճառագայթման մակարդակը, որը վտանգավոր է ճանաչվել, կարգավորող մարմինների թույլատրված առավելագույնից զգալիորեն ցածր է եղել:
AirPods-ը հեռախոսին միանում է Bluetooth-ի միջոցով: Ինչպես հայտնի է՝ տվյալ տեխնոլոգիայի գործողության սկզբունքը հիմնված է ռադիոալիքների օգտագործման վրա:
Գիտնականները շարունակում են հետազոտել փոքր հզորության ռադիոալիքների երկարատեւ ազդեցության հետեւանքները, սակայն արդեն հիմա փորձերի արդյունքում կենդանիների մոտ վերարտադրողական, նյարդային եւ գենետիկ վնասվածքների զարգացում է հայտնաբերվել:
Չնայած նրան, որ ԱՀԿ-ն տարբեր սարքերի էլեկտրամագնիսական ճառագայթման թույլատրելի մակարդակի ուղեցույց է մշակել, պետիցիայի հեղինակները կարծում են, որ էլեկտրամագնիսական ճառագայթումը կարող են վտանգավոր լինել անգամ ազդեցության ավելի ցածր մակարդակներում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր