Ստատինները ցածր դեղաչափերի դեպքում կարող են որոշակիորեն պաշտպանել ոսկորների հանքային խտության կորստից: Սակայն այս դեղամիջոցների բարձր դեղաչափերը, հակառակը, նպաստում են օստեոպորոզի զարգացմանը, պարզել են ավստրիացի գիտնականները:
Ստատինները դասվում են աշխարհում առավել հաճախ դուրս գրվող դեղերի շարքին: Դրանք նախատեսված են «վատ» խոլեստերինի մակարդակի նվազեցման համար, ինչի շնորհիվ, ինչպես կարծում են, նվազեցնում են սիրտ-անոթային հիվանդությունների զարգացման հավանականությունը:
Սակայն այս դեղամիջոցների պատճառով կողմնակի էֆեկտները եւ բարդությունները քիչ էին հետազոտված: Բացը լրացրել են Ավստրիայի համալսարանի հետազոտողները:
Ստատիններն ինհիբիրացնում են լյարդի միջոցով խոլեստերինի սինթեզը, ինչը նվազեցնում է արյան մեջ խոլեստերինի ցուցանիշները, սակայն խոլեստերինը չափազանց անհրաժեշտ է օրգանիզմում շատ պրոցեսների համար: Օրինակ՝ այն այնպիսի սեռական հորմոնների արտադրության հիմնական շինանյութն է, ինչպիսին են էստրադիոլը եւ տեստոստերոնը: Լավ հայտնի է, որ էստրոգենի նման հորմոնների խտության նվազման դեպքում կանանց շրջանում դաշտանադադարի ժամանակ մեծանում է օստեոպորոզի հավանականությունը:
Գիտնականները հետեւել են, թե ստատինների տարբեր դեղաչափերն ինչպես են ազդում ոսկորների հանքային խտության վրա: Պարզվել է, որ ստատինների դեղաչափերը որքան բարձր էին, այնքան մեծ էր օստեոպորոզի զարգացման հավանականությունը: Այս կապը պահպանվում էր անգամ այնպիսի գործոններ հաշվի առնելիս, ինչպես տարիքը, ավելորդ քաշը, ինչպես նաեւ այլ բժշկական խնդիրները, ավելին՝ այն միատեսակ դիտարկվել է տղամարդկանց եւ կանանց շրջանում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր