Շաբաթական մեկից մինչեւ 3 անգամ ասպիրինի ընդունումը մեծացնում է քաղցկեղը հաղթահարելու հնարավորությունները, պարզել է ԱՄՆ Առողջապահության ազգային ինստիտուտների հետազոտությունը:
«ՌԻԱ Նովոստի»-ն հայտնում է, որ մասնագետներն ուսումնասիրել են ավելի քան 140 հազար ամերիկացիների վերաբերյալ 12 տարի հավաքված տեղեկությունները: Պարզվել է, որ շաբաթական մինչեւ 3 անգամ ասպիրին օգտագործողների շրջանում մահացությունն ավելի ցածր է եղել շագանակագեղձի, ուղիղ աղիքի, հաստ աղիքի, թոքերի եւ ձվարանների քաղցկեղի զարգացումից հետո:
Հատկանշական է, սակայն, որ այս յուրահատկությունը հայտնաբերվել է միայն նորմալ քաշով մարդկանց շրջանում: Սրա հետ կապված հետազոտության հեղինակները հայտարարել են ասպիրինի հատկությունների հետագա ուսումնասիրման անհրաժեշտության մասին՝ հայտնաբերելու համար մարմնի զանգվածի ինդեքսի եւ դեղամիջոցի արդյունավետության միջեւ օրինաչափությունը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր