Կարեւոր չէ՝ որքան ճարպ եք օգտագործում, կարեւորն այն է, թե այն ինչպիսին է, պարզել են շվեդ գիտնականները: Diabetes ամսագրում հրապարակված հոդվածում ասված է, որ հագեցած ճարպերը նպաստում են օրգանիզմում ճարպի առաջացմանը, իսկ ոչ հագեցած ճարպերը՝ մկանների:
Փորձի շրջանակներում 39 երիտասարդ 7 շաբաթվա ընթացքում ամեն օր իրենց սովորական ուտելիքից բացի՝ կերել են նաեւ նրբաբլիթ, որը պարունակում է 750 կալորիա: Մասնակիցների կեսը կերել է հագեցած ճարպով պատրաստված նրբաբլիթ, մյուս մասը՝ ոչ հագեցած, տեղեկացնում է Fox News-ը։
Երկու խմբերի մասնակիցներն էլ գիրացել են, բայց այն խմբում, որտեղ հագեցած ճարպով նրբաբլիթ են կերել, մասնակիցների օրգանիզմում ավելի շատ ճարպ է կուտակվել, հատկապես՝ լյարդի մեջ եւ որովայնի շրջանում: Ավելին՝ նրանք 3 անգամ պակաս մկանային զանգված են կուտակել, քան մյուս խմբի մասնակիցները:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր