Հավանեք մեր էջը ֆեյսբուքում

 

56-ամյա տղամարդը հաղթահարել է կրծքի քաղցկեղը

27 հոկտեմբերի, 17:24

Մայքլ Սինգերը մի քանի ամիս շարունակ ուշադրություն չէր դարձրել իր ձախ պտուկի կոշտացմանը: 2010 թվականի դեկտեմբերին նա, այնուամենայնիվ, բժշկի է դիմել: Բիոփսիա է կատարվել, որի արդյունքում բժիշկը եզրակացրել է, որ Մայքլի մոտ կրծքի քաղցկեղ կա, որը երկրորդ փուլում է:

Այժմ 56 տարեկան Մայքլը չափազանց զարմացած էր. նա կարծում էր, որ տղամարդկանց մոտ կաթնագեղձի քաղցկեղ չի հանդիպում: Իսկապես, տղամարդկանց շրջանում կրծքի քաղցկեղը 100 անգամ հազվադեպ է պատահում, սակայն նրանց շրջանում մահացածությունն ավելի բարձր է, քանի որ տղամարդիկ հազվադեպ են կաթմագեղձերի հեռազոտություն անցնում, եւ նրանց մոտ հիվանդությունն ուշ է ախտորոշվում:

Մայքլի քույրը կրծքի քաղցկեղից է մահացել նրա ախտորոշումից երկու տարի առաջ: Նա որոշել է իր ախտորոշումը բոլորից թաքցնել եւ այդ մասին ոչ մեկին չի ասել, կնոջից բացի:

«Այնպիսի զգացողություն ունեի՝ ասես հրեշ լինեի»,- այժմ մտաբերում է Մայքլը:

Նա անհրաժեշտ բուժում է անցել՝ ներառյալ մաստեկտոմիայի վիրահատություն՝ կաթնագեղձի մի հատվածի հեռացում: Մայքլը հիմա իրեն լավ է զգում:

Իր հիվանդության մասին նա որոշել է խոսել բուժումից միայն 1,5 տարի հետո: Դրան նրան դրդել է տղամարդկանց մասին հաղորդման դիտումը, որոնք հաղթահարել են կրծքի քաղցկեղը: Պարզվել է, որ նույնիսկ կաթնագեղձի քաղցկեղով հիվանդացած տղամարդկանց միություն կա (Male Breast Cancer Coalition): Միության հիմնադիրը 30-ամյա Բրեթ Միլերն է, ում հիվանդությունն ախտորոշել էին աջ պտուկի տակ տարօրինակ կոշտացում նկատելուց 7 տարի հետո: Բրեթն իր փորձը սարսափելի է համարում եւ այս միությունը ստեղծել է տղամարդկանց օգնելու եւ զգուշացնելու համար:

Մայքլը շուտով դարձել է այդ կազմակերպության անդամ եւ ակտիվիստ, նա տղամարդկանց կաթնագեղձի քաղցկեղի մասին տեղեկություններ է տարածում: Նա այլեւս չի ամաչում, որ կաթնագեղձի քաղցկեղով է հիվանդացել եւ տղամարդկանց ցուցադրում է, թե ինչպես կատարել ինքնախտորոշում: Հիվանդներից շատերը, մտածելով, որ ուղղակի չեն կարող կրծքի քաղցկեղով հիվանդանալ, բժշկի են դիմում ուշացած, ինչը հանգեցնում է բուժման ոչ արդյունավվետության, եւ շատ հիվանդներ մահանում են, չնայած բուժումը վաղ սկսելու դեպքում միանգամայն հնարավոր է, որ բուժվեին:

Հայտնի է, որ կաթնագեղձի քաղցկեղի դեմ պայքարի խորհրդանիշն է վարդագույն ժապավենը: Այս ախտորոշմանը բախված Մայքլը եւ մյուս տղամարդիկ կարծում են, որ «այդ վարդագույն օվկիանոսին պետք է մի փոքր կապույտ գույն ավելացնել»:

NEWS.am Medicine

loading...
 

  • Այս թեմայով
  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Պատրա՞ստ եք Դուք պոլիկլինիկաներում վճարել բժշկական ծառայությունների համար
Այո, քանի որ ես, միեւնույնն է, վճարում եմ, թող լինի պաշտոնապես
Ոչ, ես պոլիկլինիկա եմ գնում, քանի որ գումար չունեմ
Ոչ, ավելի լավ է վճարել հիվանդանոցին