Շարունակվում են աշխատանքները Արմավիրի մարզում արձանագրված թունավորման առնչությամբ: Իրականացված լաբորատոր հետազոտությունների արդյունքում պարզվել է, որ հետազոտված հիվանդներից վերցված բոլոր կենսաբանական նմուշներում հայտնաբերվել են սալմոնելոզի հարուցիչներ: Սննդի, շրջակա միջավայրի լվացուկների եւ ջրի հետազոտություններն ընթացքի մեջ են: Այս մասին հայտնում է ՀՀ առողջապահության նախարարությունը։
Հոսպիտալացված 88 հիվանդից 63-ն արդեն իսկ բուժվել է եւ լավացումով դուրս գրվել: Ներկայումս ստացիոնար բուժում է ստանում 25 հիվանդ, որոնց վիճակը թեթեւ եւ միջին ծանրության է:
Ներկա վարկածով հաստատվում է, որ արձանագրված թունավորումը սննդային ծագման է:
Նշենք, որ տուժածներն Արմավիրի մարզի Արեւադաշտ գյուղի մերձակայքում խաղողագործությամբ զբաղվող «Հայաստանի հողեր» ընկերության աշխատակիցներ են. այն պատկանում է արգենտինահայ գործարար Էդուարդո Էռնեկյանին:
Ավելի քան 200 մարդ է կերել բուտերբրոդները, որոնք էլ, հավանաբար, թունավորման պատճառ են դարձել
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր