Թրթնջուկը եւ սպանախը ավանդական «գարնանային» վիտամիններ են: Այնուամենայնիվ, չնայած դրանց օգտակար հատկություններին, որոշակի զգուշություն պետք է դրսեւորել դրանք կիրառելիս:
Թրթնջուկ
Թրթնջուկի տերեւներում կան սպիտակուցներ, շաքար, ասկորբինաթթու (80 մգ-ից մինչեւ 100 մգ), կարոտին (8 մգ-ից մինչեւ 100 գ): Թրթնջուկի հյութն օգտագործվում է որպես լեղամուղ: Միաժամանակ հարկ է հիշել, որ մեծ քանակությամբ թրթնջուկի տերեւների օգտագործումը կարող է հանգեցնել աղի նյութափոխանակության անբավարարությանը եւ երիկամների անբավարարության զարգացմանը:
Բացի այդ, էնտերոկոլիտով․ գաստրիտով եւ ստամոքսի ու 12-մատնյա աղիքի խոցով հիվանդների դիետիկ սննդում թրթնջուկի ներմուծման դեպքում պետք է շատ զգուշավոր լինել։
Սպանախ
Սպանախի տերեւները պարունակում են սպիտակուցներ, շաքար, ասկորբինաթթու, կարոտին: Դրանք նաեւ հարուստ են հանքային աղերով՝ երկաթ, մագնեզիում, կալիում, ֆոսֆոր, նատրիում, կալիում եւ յոդ: Իր օգտակար հատկությունների շնորհիվ սպանախը կարող է ընդգրկվել հղի կանանց եւ տկարացած հիվանդների սննդակարգում: Այն հատկապես օգտակար է հիպոացիդային գաստրիտով եւ էնտերոկոլիտով հիվանդների համար:
Այնուամենայնիվ, պետք է հիշել, որ սպանախով ճաշատեսակի մեջ, սենյակային ջերմաստիճանում 1-2 օր պահելու դեպքում, առաջանում են ազոտաթթվային աղեր, որոնք ներծծվում են արյան մեջ, հանգեցնում մետեմոգլոբինի ձեւավորմանը: Սա, իր հերթին, խաթարում է բջջային շնչառությունը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր