Արդյո՞ք ռուկոլան աշխարհում ամենաօգտակար մթերքներից մեկն է

Ռուկոլան բացառապես օգտակար բույս է, որի մեջ պարունակվում են շատ վիտամիններ եւ հանքային նյութեր, որոնք անհրաժեշտ են մարդու օրգանիզմին։

Ինչպես տեղեկացնում է Health-News-ը, եթե սննդի մեջ ռուկոլա օգտագործվի ամեն օր, այն կօգնի ամրացնել ոսկորները կալցիումի եւ վիտամին К-ի պարունակության հաշվին։ Ռուկոլան պարունակում է նաեւ հակաօքսիդանտներ, որոնք պայքարում են ազատ ռադիկալների, թթվային սթրեսի դեմ՝ դրանով իսկ նվազեցնելով քաղցկեղի առաջացման վտանգը։

Ակնաբույժները հավաստիացնում են, որ ռուկոլան պաշտպանում է նաեւ աչքերը, դրանում կան А եւ К վիտամիններ, բետա-կարոտին, որոնք շատ օգտակար են աչքերի համար։ Ռուկոլան պատկանում է կանաչ թերթիկավոր բանջարեղենների շարքին, ունի ալֆա-թթուներ։ Ինչպես ցույց են տվել հետազոտությունները, այդ միացությունը կապված է արյան մեջ գլյուկոզայի մակարդակի նվազման եւ ինսուլինի հանդեպ բարձր զգայունակության հետ։

Ռուկոլան հարուստ է նաեւ սննդային հյուսվածքներով, որոնք օգնում են մարսողական համակարգին եւ երկար ժամանակ կուշտ լինելու զգացողություն ապահովում։ Իսկ կալորիաներ ռուկոլան քիչ է պարունակում, ուստի այն համարվում է իդեալական մթերք մարդկանց համար, ովքեր ցանկանում են վերահսկել քաշը։

Ավելին, աղեհամակարգի առողջությունը կապված է իմունային համակարգի հետ, դրա համար առաջինի լավ վիճակն ազդում է երկրորդի վրա։ Ռուկոլան նաեւ վիտամին С է պարունակում, որը խթանում է իմունիտետը։

Հետևեք NEWS.am Medicine-ին Facebook-ում և Twitter-ում