• Latest news

Հայաստանում ովքե՞ր են պատվաստվելու AstraZeneca եւ Sputnik V պատվաստանյութերով

12 ապրիլի, 2021  12:14

AstraZeneca պատվաստանյութի օգտագործման ցուցումներում որոշակի փոփոխություններ են կատարվել: Հնարավոր բարդություններից խուսափելու համար դրանք հաշվի են առնվել նաեւ Հայաստանում: Այս մասին լրագրողների հետ զրույցում ասաց ՀՀ առողջապահության նախարար Անահիտ Ավանեսյանը:

Ռիսկի խմբերի շրջանում պտավաստումային գործընթացի ռիսկերը նվազեցնելու համար AstraZeneca պատվաստանյութը նպատակահարմար է կիրառել հետեւյալ ռիսկի խմբերի շրջանում.

  • 65 տարեկան եւ բարձր տարիքի անձանց
  • Բուժաշխատողներ՝ 55 տարեկան եւ բարձր տարիքի անձինք
  • Քրոնիկ հիվանդներ՝ 55 տարեկան եւ բարձր տարիքի անձինք
  • Սոցիալական խնամքի կենտրոնների բնակիչներ եւ աշխատակիցներ՝ 55 տարեկան եւ բարձր տարիքի անձինք

Sputnik V պատվաստանյութը նպատակահարմար է կիրառել հետեւյալ ռիսկի խմբերի շրջանում.

  • Բուժաշխատողներ՝ 18-54 տարեկան անձինք
  • Քրոնիկ հիվանդներ՝ 18-54 տարեկան անձինք
  • Սոցիալական խնամքի կենտրոնների բնակիչներ եւ աշխատակիցներ՝ 18-54 տարեկան անձինք

Նախարարի խոսքով՝ երբ Sputnik V պատվաստանյութի նոր խմբաքանակներ ձեռք բերվեն, հնարավոր կլինի նաեւ 65-ից բարձր մարդկանց պատվաստել այս դեղամիջոցով:

AstraZeneca-ով պատվաստումները Երեւանում նախատեսվում է մեկնարկել ապրիլի 13-ից, իսկ մարզերում՝ ապրիլի 14-ից: Այս պատվաստանյութի փաստաթղթային ձեւակերպման բոլոր աշխատանքներն արդեն ավարտված են, այն արդեն բախշվում է բժշկական կազմակերպություններին:

Ինչ վերաբերվում է Sputnik V պատվաստանյութին, ներկայումս իրականացվում են փաստաթղթային ձեւակերպումները, որոնք նախատեսվում է ավարտել մինչեւ շաբաթվա վերջ:

Հիշեցնենք, որ Հայաստանը ձեռք է բերել «AstraZeneca» եւ  «Sputnik V» պատվաստանյութերը` համապատասխանաբար 24 000 եւ 15 000 խմբաքանակներով:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը
 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։