Մեծահասակները, որոնք անբավարար քանակի ջուր են օգտագործում, կարող են ավելի արագ ծերանալ եւ բախվել մահվան առավել մեծ ռիսկի: Այս մասին հայտնում է New York Post-ը՝ հղում անելով EBioMedicine ամսագրի հետազոտությանը։
Գիտնականները նշել են, որ ջրի քիչ օգտագործումը նվազեցնում է կյանքի տեւողությունը։ Նրանք վերլուծել են հետազոտության 11 000 մասնակիցների անալիզները եւ եզրակացրել, որ այն մարդիկ, ում մոտ նատրիումի կոնցենտրացիան 142 միլիմոլ/լիտրից բարձր է եղել, 50 տոկոսով ավելի արագ ծերանալու հավանականություն են ունեցել:
Պարզվել է, որ նման մասնակիցների մոտ մահվան ռիսկը մեծանում է 20 տոկոսով։ Դա պայմանավորված է նրանով, որ նրանց մոտ սրտի անբավարարություն, ինսուլտ, շաքարախտ, դեմենցիա, թոքերի քրոնիկ հիվանդություն եւ մահացու այլ հիվանդություններ ունենալու հավանականությունն ավելի մեծ է:
Ավելի վաղ Օսակայի համալսարանի հետազոտական թիմը պարզել էր, որ հիպերտոնիայի ծանր ձեւերով տառապող մարդկանց կողմից սուրճի օգտագործումը կարող է կրկնապատկել սրտանոթային հիվանդություններից մահանալու վտանգը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր