նախընտրելի դարձնել
Դարտմուտի քոլեջի հետազոտողները կրծքագեղձում կոշտացում ունեցող կանաց համար մշակել են քաղցկեղի ախտորոշման նոր տեխնոլոգիա:
Նոր եղանակը, որն իր մեջ միավորում է մագնիսա-ռեզոնանսային տոմոգրաֆիան եւ մոտակա ինֆրակարմիր տիրույթի սպեկտրոսկոպիան, ապահովում է ավելի մեծ ճկունություն, արագություն եւ հստակություն, քան գոյություն ունեցող կուրծքը երեւակելու մյուս մեթոդները, եւ թույլ է տալիս ճառագայթաբաններին ավելի հստակ տեսնել ուռուցքը:
Ինչպես հաղորդում է Academic Radiology ամսագիրը, նոր տեխնոլոգիան հնարավորություն կտա կրծքագեղձում կոշտացում եւ ոչ միանշանակ մամոգրաֆիա ունեցող կանանց օգտվել ուռուցքի ախտորոշման նոր ձեւից, նախքան ցավոտ բիոպսիայի գնալը, հաղորդում է Newsmax Health-ը։
Դարտմուտի Thayer ճարտարագիտական դպրոցի կենսաբժշկական ճարտարագետները մշակել են նոր տեխնոլոգիա, միավորելով ութ լուսաթափանց լարերի համալիրը, որոնք կարող են կարգավորվել այնպես, որ վառ լույսով պատեն կուրծքը: Նոր սարքավորման փորձարկմանը մասնակցություն են ունեցել ութը կին:
