Գիտնականները պարզել են, թե որ մթերքն է բարելավում տարեց մարդկանց կոգնիտիվ ունակությունները. PsyPost

Հարավկորեացի գիտնականների հետազոտությունը ցույց է տվել, որ ռուսաստանցիների շրջանում ընդունված մթերքը բարելավում է տարեց մարդկանց կոգնիտիվ ունակությունները։

Ինչպես տեղեկացրել է PsyPost-ը, Հարավային Կորեայի Gaon հետազոտական կենտրոնի մասնագետների խումբը փորձով ապացուցել է, որ տարեց մարդիկ, որոնք մշտապես պանիր են օգտագործում, ավելի լավ հիշողություն ունեն եւ ավելի ուշադիր են, քան իրենց մյուս հասակակիցները։ Նման կերակրացանկի առանձնահատկություններից է նաեւ տարածությունում լավ կողմնորոշվելու ունակությունը։

Փորձին մասնակցել է 65 եւ ավելի բարձր տարիքի 1 156 մարդ (կին եւ տղամարդ)։ Գիտնականներն ուսումնասիրել են մասնակիցների սննդային նախասիրությունները եւ նրանց մենթալ ունակությունների գնահատականը։

Օգտագործվել են ախտորոշման տարբեր հնարավորություններ եւ 30 բալանոց թեստ՝ հիշողության, ուշադրության, տեղանքում կողմնորոշվելու ունակության, գրելու եւ խոսելու կարողության առաջադրանքներով։ Երբ փորձարկվողները հավաքել են 23 բալից քիչ՝ 30 հնարավորից, դա վկայել է Ալցհեյմերի հիվանդության բարձր հավանականության մասին։

Հետաքրքիր է, որ ավելի բարձր գնահատականներ են ստացել փորձի այն մասնակիցները, որոնք հաճախ են կերակրացանկում ներառել պանրի տարբեր տեսակներ։

Հետևեք NEWS.am Medicine-ին Facebook-ում և Twitter-ում