Աշխարհում 10 դեռահասից 1-ը երբևէ օգտագործել է նիհարեցնող անարդյունավետ և պոտենցիալ վնասակար ապրանքներ - ուսումնասիրություն

Աշխարհում 10 դեռահասից 1-ը երբևէ օգտագործել է նիհարեցնող անարդյունավետ և պոտենցիալ վնասակար ապրանքներ, եզրակացրել են հետազոտողները:

Ամբողջ աշխարհում դեռահասները, հատկապես աղջիկները, օգտագործում են առանց դեղատոմսի դեղեր, սննդային հավելումներ և  «բարձր մակարդակի» նիհարեցնող այլ ապրանքներ, ասվում է Jama Network ամսագրում հրապարակված նոր վերլուծության մեջ:

Հիմնվելով վերջին չորս տասնամյակների ընթացքում տասնյակ ուսումնասիրությունների վրա՝ հետազոտողները հաշվել են, որ ընդհանուր բնակչության դեռահասների մոտ 9%-ն իր կյանքի ընթացքում առանց դեղատոմսի օգտագործել է նիհարեցնող միջոցներ, որոնցից մոտ կեսն օգտագործել է դրանք անցած ամիս։

Նիհարեցնող դեղահաբերը ամենատարածված արտադրանքն է, որն օգտագործում է դեռահասների մոտ 6%-ը իր կյանքի ընթացքում,   մոտ 4%-ը   լուծողականներ և մոտ 2%- միզամուղներ են ընդունում:

Այս ապրանքները վտանգավոր են  երեխաների թե ֆիզիկական, թե՛ հոգեկան առողջության համար, իսկ բժշկական տեսանկյունից էլ խորհուրդ չեն տրվում առողջ քաշը պահպանելու համար, շեշտում են մասնագետները։

Նախորդ ուսումնասիրությունները կապում էին   առանց դեղատոմսի նիհարեցնող ապրանքների օգտագործումը դեռահասների մոտ նյութափոխանակութան խանգարումների, ցածր ինքնագնահատականի, դեպրեսիայի և թմրամիջոցների չարաշահման հետ:

Դրանք նաև կապված են եղել դեռահաս տարիքում  սննդանյութերի անբավարար ընդունման և հասուն տարիքում անառողջ քաշի ավելացման հետ:

Հետևեք NEWS.am Medicine-ին Facebook-ում և Twitter-ում