• Latest news

Ամառային 6 մթերք, որ կօգնեն լողազգեստի սեզոնին նիհարել

17 հունիսի, 2017  12:09

Լողազգեստի սեզոնին ձեզ կօգնեն նիհարել առողջ սնունդը եւ սպորտով զբաղվելը: Սակայն մի քանի մթերքներ էլ կան, որոնք եթե ավելացնեք ձեր սննդակարգին, նիհարելու գործընթացը կարագանա:

Հատապտուղներ

Հատապտուղները կալորիաներ քիչ են պարունակում, սակայն շատ են պարունակում ջուր եւ բջջանյութ: Դրանք նաեւ շատ հակաօքսիդանտներ են պարունակում, որոնք օգնում են առողջության պահպանմանը եւ նյութափոխանակության արագացմանը: Հենց այս պատճառով ամռանը հատապտուղները պետք է դառնան մեր ամենօրյա սննդակարգի պարտադիր մասը:

Դեղձ

Դեղձի մեջ մեծ քանակով սննդային մանրաթելեր են պարունակվում, որոնք կօգնեն ազատվել փքվածությունից եւ մետեորիզմից (աղիներում գազերի կուտակում): Այս ամենին գումարած՝ դեղձը նաեւ արագացնում է նյութափոխանակությունը, իսկ մեկ պտղի մեջ ընդամնեը 50 կալորիա է պարունակվում: Այսպիսով, դեղձը իրեն լողազգեստով ցուցադրել ցանկացողների համար կատարյալ մթերք է:

Կանաչ թեյ

Կանաչ թեյը ոչ միայն փակում է ախորժակը, այլեւ նյութափոխանակությունն է արագացնում: Ամեն առավոտ մեկ գավաթ կանաչ թեյ խմեք: Սակայն հիշեք՝ այս թեյը չարաշահել չի կարելի. եթե շատ խմեք, այն օրգանիզմից կալցիումը կհանի:

Ավոկադո

Այս էկզոտիկ միրգը բազմահագեցած ճարպեր է պարունակում, որոնք արագ են հագեցնում եւ արագացնում նյութափոխանակությունը՝ կալորիաներն այրելով: Ավոկադոն կարելի է օգտագործել հումուսի հետ, որն օրգանիզմին բջջանյութի եւ սպիտակուցների լրացուցիչ քանակ կտա:

Եգիպտացորեն

Չնայած եգիպտացորենը պատկանում է օսլա պարունակող բանջարեղենին, մեծ քանակով սննդային մանրաթելեր եւ փոքր քանակով կալորիաներ է պարունակում: Օսլա պարունակող բանջարեղենի տեսակներից եգիպտացորենը համարվում է ամենաառողջ ընտրությունը:

Նուշ

Նուշն առողջ ճարպերի, սպիտակուցների եւ E վիտամինի լավ աղբյուր է, որոնք արագացնում են նյութափոխանակությունը: Այն հրաշալի ուտեստ է սննդի հիմնական ընդունումների միջեւ՝ քաղցի զգացումը նվազեցնելու համար: Սակայն ահրաժեշտ է նուշը չափավոր օգտագործել՝ չի կարելի օրական 6 նուշից ավելին ուտել, քանի որ այն բավական շատ կալորիաներ է պարունակում:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել