Լավ վաստակող մասնագետները, ինչպիսին են բժիշկները, իրավաբանները եւ ուսուցիչները, մեծ հավանականությամբ, միջին եկամուտներ ունեցողների համեմատությամբ կանոնավորապես են խմում: Այս մասին նշված է NHS Digital-ի եւ Մեծ Բրիտանիայի Ազգային վիճակագրական ծառայության զեկույցներում:
Պարզվել է, որ ալկոհոլ օգտագործողների թիվն անշեղորեն աճում է սոցիալ-տնտեսական կարգավիճակի բարձրացմանը զուգահեռ: Հարցումից առաջ շաբաթվա ընթացքում ավելի քիչ խմող մարդկանց 51 տոկոսը եղել է ֆիզիկական կամ հասարակ աշխատանք կատարողների, այդ թվում՝ սեւագործ բանվորների, հաշվառման կամ սոցիալական աշխատողների շրջանում: Կառավարչական անձնակազմի կամ բարձր որակավորմամբ աշխատակիցների շրջանում (այդ թվում՝ ճարտարապետների, բուժքույրերի, ուսուցիչների, իրավաբանների, բժիշկների) այս թիվը հասնում է 70 տոկոսի, նշում է Daily Mail-ը:
Այսպես՝ սպիրտայինի օգտագործման մասին խոստովանել է տարեկան 11 հազար եվրոյից պակաս ստացողների 46,5 տոկոսը: 22-34 հազար եվրո վաստակող բրիտանացիների շրջանում այդպիսիները կազմում են արդեն 60 տոկոս: Միաժամանակ, մարդիկ, որոնց տարեկան եկամուտն անցնում է 45 հազար եվրոյից, սիրում են գինի, գարեջուր կամ վիսկի խմել, եւ դա կարող են իրենց միանգամայն թույլ տալ: Նրանց շրջանում ավելի քան 80 տոկոսը հայտնել է, որ հարցումից առաջ շաբաթվա մեջ խմել է:
Զեկույցներում նշվում է, որ մարդկանց հաճախակի խմելը կախված է տարիքից: Հարցավածների հինգերորդ մասը ընդհանրապես սթափներն էին՝ հիմնականում 25-ից մինչեւ 64 տարեկան: Նրանք, ովքեր ավելի հաճախակի էին ալկոհոլ օգտագործում, 65 տարեկանից մեծ էին: Երիտասարդությունը հաճախ խմում է միայն ուրբաթ եւ շաբաթ, սակայն ավելի շատ, քան մյուսները:
Առավել վտանգավոր է համարվում սպիրտային խմիչքների օգտագործումը միջին տարիքի մարդկանց կողմից: Ինչպես նշել է ալկոհոլային կախվածության թերապիայի մենեջեր Սթիվ Քլարքը, 45 տարեկանն անց մարդիկ ավելի հաճախ են խմում, բայց չեն կարծում, որ ռիսկի գոտում են գտնվում: Նրանք այսկերպ հաճախ «սթրեսից են ազատվում» կամ պարզապես գայթակղվում են խանութների ակցիաներով: Արդյունքում՝ նրանք շաբաթական 4-6 օր ալկոհոլ են օգտագործում: Քլարքը նշել է, որ 10 տարում խմելու հետ կապված հոսպիտալացման թիվն աճել է 17 տոկոսով:
Ազգային վիճակագրական ծառայությունը նաեւ նշել է, որ ալկոհոլի օգտագործման ժամանակ արժեքը կարեւոր գործոն է: Այս պատճառով խմիչքի նվազագույն գների սահմանումը կարող է մարդկանց օգնել դրանից հրաժարվել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր