Գիտնականները բացատրել են՝ ինչու է մարդը փաղաքշանք տածում մանուկների հանդեպ

Գիտնականները գտել են բացատրությունն այն բանի, թե ինչու է մարդը փաղաքշանք ցուցաբերում մանուկներ եւ կենդանիների ձագեր տեսնելիս։

New York Post-ը հայտնում է, որ Ելի համալսարանի մասնագետներն այդ երեւույթը բացատրում են որպես «քնքուշ ագրեսիա» (cute aggression)։ Հետազոտությունների ժամանակ նրանք էլեկտրաֆիզիոլոգիայի տեսնկյունից ուսումնասիրել են 52 կամավորների գլխուղեղը եւ հայտնաբերել են, որ մարդու վրա ամենաուժեղ ազդեցությունը ունենում են տնային կենդանիներն ու մանկամիտ դիմագծերով մարդիկ։

Ընդ որում, «քնքուշ ագրեսիա» ավելի շատ առաջացնում են կենդանիների ձագերը, քան հասուն կենդանիները։ Նույնը վերաբերում է մարդկանց հանդեպ վերաբերմունքին՝ նորածիններն ավելի շատ համակրանք են առաջացնում։ Միաժամանակ, մանուկների հանդեպ փաղաքշական զգացումներն ավելացել են, երբ նրանց լուսանկարներում համակարգչի օգնությամբ մեծացրել են այտերը, ճակատը եւ աչքերը։

Արդյունքում փորձի մասնակիցների մոտ անպաշտպան փոքրիկներին խնամելու ցանկությունն աճել է։

Գիտնականները նշում են, որ «քնքուշ ագրեսիան» կարեւոր դեր է խաղում էվոլյուցիայի տեսակետից, քանի որ եթե այդ ջերմ զգացմունքների ազդեցության տակ չխնամել, օրինակ, փոքր երեխային, նա սովից կմահանա։

Հետևեք NEWS.am Medicine-ին Facebook-ում և Twitter-ում