• Latest news

Էրեբունիի եւ Չարենցավանի արտադրամասերից մի քանի հարյուր մարդ է մեկուսացվել. նախարար

26 մարտի, 2020  15:56

Էրեբունիի եւ Չարենցավանի արտադրամասերից մի քանի հարյուր մարդ է մեկուսացվել: Սակայն չի կարելի պնդել, որ հայտնաբերվել եւ մեկուսացվել են նրանց հետ շփված բոլոր պացիենտները: Այս մասին լրագրողներին հայտնեց առողջապահության նախարար Արսեն Թորոսյանը:

Նրա խոսքով՝ մեկուսացվածների հստակ թիվը չի ներկայացվում, քանի որ այն կարող է արագ փոխվել: Երեկ, օրինակ, մեկուսացվել է մոտ 140 մարդ՝ կապված Էրեբունիի արտադրամասի հետ. դրանք եւ՛ արտադրամասի աշխատակիցներն են, եւ՛ նրանց հետ շփված անձինք:

Մեկուսացվել է նաեւ մոտ 300 մարդ, որոնք կապ են ունեցել Չարենցավանի արտադրամասի հետ:

Նախարարի խոսքով՝ համաճարակաբանական հետազոտությունները սովորաբար երկար են տեւում, եւ դրանք չեն դադարեցվի, քանի դեռ կան մարդիկ, որոնք կարող են վարակված լինել, եւ քանի դեռ կա նրանց մեկուսացման պայմաններում պահելու հնարավորություն:

Նախարարը նշեց, որ այսօր կորոնավիրուսի հայտնաբերման համար թեստերն անցկացվում են բժշկական եւ համաճարակաբանական ցուցումներով, սակայն կարող է մի պահ գալ, երբ դրանք կանցկացվեն միայն բժշկական ցուցումներով, եթե պացիենտների թիվն ավելանա: Սակայն այսօր արվում է հնարավոր ամեն ինչ առողջապահական համակարգի ծանրաբեռնվածությունը նվազեցնելու համար: Այդ խնդրի հետ, նախարարի խոսքով, այսօր բախվում են աշխարհի բոլոր երկրներում:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է