Աշխարհում կորոնավիրուսով վարակվածների թիվը հասել է 3.5 միլիոնի

Աշխարհում COVID-19 կորոնավիրուսով վարակվածների թիվը հասել է 3 566 804-ի: https://www.worldometers.info/coronavirus/-ի տվյալներով` 248 304-ն արդեն մահացել է, առողջացել է 1 156 982 մարդ:

Այս պահին 2 161 518 հիվանդ բուժում է անցնում, 50,051-ի (2 տոկոսի) վիճակը գնահատվում է որպես ծանր կամ ծահրահեղ ծանր:

Ըստ աղբյուրի` ներկայումս հայտնի է 1.405,286 դեպքի արդյունքը. առողջացել է նրանցից 1.156.982-ը (82 տոկոսը), 248 304 մարդ (18 տոկոսը) մահացել է:

Այսօրվա դրությամբ վարակվածների թվով (1.188.384) եւ մահվան դեպքերի թվով (68.600) առաջին տեղում է ԱՄՆ-ն: Հաստատված դեպքերի թվով 2-րդ տեղում է Իսպանիան (247.122 վարակված, 25264 մահվան դեպք), երրորդ տեղում Իտալիան է (համապատասխանաբար վարակման 210.717 եւ մահվան 28.884 դեպք):

Հայաստանում մայիսի 4-ին՝ ժամը 11:00-ի դրությամբ նոր կորոնավիրուսով վարակվելու 121 նոր դեպք է գրանցվել: Ընդհանուր առմամբ՝ մայիսի  4-ին հաստատվել է կորոնավիրուսի 2507 դեպք:

Վերջին տվյալներով ապաքինվել է 1071 անձ (վերջին մեկ օրում՝ 36 մարդ), 39 պացիենտ մահացել է, վերջին մեկ օրում մահացածների թիվն ավելացել է 4–ով։ Ընդհանուր թեստերի թիվը կազմում է 24941, վերջին մեկ օրում` 765: Փաստացի այս պահին բուժվում է 1393 անձ:

Հետևեք NEWS.am Medicine-ին Facebook-ում և Twitter-ում