Կարդալով շաքարը «նոր թութուն» անվանող վերնագրերը , դուք հավանաբար կմտածեք, որ շաքարը թունավոր է, բայց իրականում մենք ուղղակի պետք է չափավորենք շաքարի օգտագործումը:
«Ռաֆինացված շաքար սախարոզան կազմված է երկու մոլեկուլից՝ գլյուկոզայից եւ ֆրուկտոզայից, - ասում է դիետոլոգ Լաուրա Թոմասը.- Գլյուկոզան կլանվում եւ օգտագործվում է բոլոր օրգանների կողմից, այն ժամանակ, երբ ֆրուկտոզան մետաբոլիզմի է ենթարկվում է լյարդում: Մեր օրգանիզմը ունակ է յուրացնել ֆրուկտոզայի քիչ քանակություն, ավելցուկը վերածվում է ճարպաթթուների եւ բերում օրգանիզմի համար վնասակար բիոքիմիական ռեակցիաների»:
Daily Mail-ն առաջարկում է շաքարի բնական փոխարինիչների ցանկ, որոնք ավելի քիչ կալորիաներ են պարունակում եւ այլ կերպ են ազդում մարսողական համակարգի վրա:
Ստեվիա
Ի՞նչ է դա: Բույս , որը դարեր շարունակ օգտագործել են Հարավային Ամերիկայում: Բույսի տերեւներից ստացվում է հեղուկ կամ փոշիանման նյութ, որն օգտագործվում է նախուտեստների եւ որոշ ոչ ալկոհոլային ըմպելիքների մեջ:
Օգտակար է թե՞ ոչ: «Ստեվիան սովորական շաքարից 300 անգամ ավելի քաղցր է եւ գրեթե կալորիա չի պարունակում,- ասում է Թոմասը,- այն ֆրուկտոզա չի պարունակում եւ ստանում է իր քաղցրությունը ստեվիօզիդ եւ ռեբաուդիզոն կոչվող շաքարի երկու այլ մոլեկուլներից:
Քաղցրությունը շաքարի համեմատ 10/10
Կոկոսի շաքար
Ին՞չ է դա: Կոկոսի արմավենուց ստացվող բյուրեղներ:
Օգտակար է թե՞ ոչ: «Կոկոսի շաքարը ավելի երկար է յուրացվում օրգանիզմի կողմից, այդ պատճառո ինսուլինի կտրուկ թռիչք չի առաջացնում,- ասում է Թոմասը,- Արյան մեջ շաքարի մակարդակի տատանումները նորմայի մեջ են, բայց ժամանակի ընթացքում ինսուլինի մակարդակի տատանումները կարող են ինսուլինային ռեզիստենտության հանգեցնել: Այս սննդամթերքը մեծ քանակությամբ կալորիաներ է պարունակում` 100գր –ում 375 կալորիա, ինչպես նաեւ՝ 35% ֆրուկտոզա»:
Օգտագործեք որպես շագանակագույն շաքարի փոխարինիչ, հատկապես թխվածքներում:
Արմավի շաքար
Ին՞չ է դա: Փոշու, մածուկի եւ օշարակի տեսքով ջրազրկված արմավից պատրաստված մթերք:
Օգտակար է թե՞ ոչ: «Ունի նույն սննդարար առավելությունները ինչ արմավը՝ բջջանք, վիտամին եւ հանքային աղեր,- ասում է Թոմասը,- բջջանքն օգնում է դանդաղեցնել շաքարի ռեակցիան արյան մեջ: Այն նույնպես հարուստ է կալորիաներով, այնպես որ հետեւեք քանակին»:
Օգտագործել աղանդերում եւ շիլաներում։
Քացրությունը 7/10
Մեղր
Ինչ՞ է դա: Մեղրը ստանում են մեղուները ծաղիկների նեկտարից:
Օգտակար է թե՞ ոչ: Մեղրը պարունակում է վիտամիններ, հանքային աղեր եւ հակամանրէային հատկություններով է օժտված, բացատրում է Թոմասը: «Բայց միեւնույն ժամանակ նրանում սննդարար նյութերի պարունակությունն ավելի բարձր է, նրանում բարձր է նաեւ կալորիաների պարունակությունը՝ 330 կալորիա 100 գրամում: Մեղրը նաեւ պարունակում է ֆրուկտոզայի չափավոր քանակություն, 35-40%», - ասում է նա:
Օգտագործեք այն շաքարի փոխարեն շիլաներում եւ թխվածքներում:
Քաղցրությունը 6/10
Շագանակագույն բրնձի օշարակ
Ի՞նչ է դա։ Ստանում են շագանակագույն բրնձի եռացման եւ ֆերմենտների ավելացման միջոցով ՝ օսլան ճեղքելու համար։ Արդյունքում ստացվում է քացր սիրոպի պես մի բան:
Օգտակար է թե՞ ոչ: Շագանակակագույն բրնձի սիրոպը պարունակում է բարդ ածխաջրեր, մալտոզա եւ գլյուկոզայի ոչ մեծ քանակություն, դա նշանակում է, որ այն ավելի դանդաղ է ձերբազատվում արյան հոսք, եւ ավելի առողջարար է քան շաքարը, ասում է Թոմասը:
Օգտագործել տնային գրանոլայի պատրաստման համար
Քաղցրությունը 3/10
Ագավայի օշարակ
Ինչ՞ է դա: Մեղրի նման մածուծիկ օշարակ, որը ստանում են Մեքսիկայում աճացրած ագավայի միջուկից։
Օգտակար է թե՞ ոչ: Ագավան իսկական գյուտ է արյան մեջ շաքարի մակարդակի վրա նվազ ազդեցության պատճառով։ Գրեթե 25%-ով ավելի քիչ կալորիա է պարունակում, քան շաքարը։
Քաղցրությունը 9/10
Թխկու (клен) օշարակ
Ինչ՞ է դա: Օշարակը ստանում են կրախմալով հարուստ թխկու հյութից։
Օգտակար է թե՞ ոչ: «Թխկու օշարակն ավելի շատ է ազդում արյան մեջ շաքարի մակարդակի վրա, քան այլ փոխարինիչները, - ասում է Թոմասը, - Նրա պարունակության կեսը գլյուկոզա է։ Այն պարունակում է նաեւ կալցիում, մանգան եւ երկաթ՝ ոսկրերի համար կարեւոր սննդարար նյութեր»։
Օգտագործվում է նրբաբլիթների եւ այլ դեսերտների հետ։ Ուտեստներին բացառիկ բույր է հաղորդում։
Քաղցրությունը 7/10
Սեւ մաթ (патока)
Ինչ՞ է դա: Շաքարեղեգից սպիտակ շաքար ստանալու ժամանակ առաջացող մնացուկը։
Օգտակար է թե՞ ոչ: 28 գրամում պարունակվում է օրական անհրաժեշտ երկաթի, կալցիումի, մագնիումի, կալիումի եւ ցինկի չափաքանակի 10%-ը։ Մաթը նաեւ ավելի քիչ կալորիաներ է պարունակում, քան ռաֆինացված շաքարը։
Օգտագործեք նրբաբլիթների եւ այլ խմвրեղենների պատրաստման ժամանակ, եթե ուզում եք խորը, յուրահատուկ բույր ստանալ։
Քաղցրությունը 6/10։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր