Էպիլեպսիայի բուժման համար մշակված փորձարարական դեղամիջոցը, հնարավոր է պաշարում է  ՄԻԱՎ վարակը:

Լաբորատորիայում մարդկանց հյուսվածքների վրա փորձերի ընթացքում, դեղամիջոցը «հիասքանչ աշխատեց» իմունային համակարգի հիմնական բջիջների քայքայումը կանխարգելելու հարցում, ասաց Սան Ֆրանցիսկոյի Գլադսոնի համալսարանի բժիշկ Ուորներ  Գրինը:

Այս աշխատանքի ընթացքում Գրինը եւ նրա գործընկերները հիմնականում ուշադրությունը  կենտրոնացրեցին այն բանի վրա, թե ինչպես  է ՄԻԱՎ-ը սպանում  իմունային համակարգի կենսականորեն կարեւոր CD4:

Նոր աշխատանքը ապացուցում է, որ ՄԻԱՎ-ը թափանցում է այս բջիջների մեջ, բայց ի վիճակի չէ ամբողջությամբ ոչնչացնել դրանց, բջիջներն էլ ի պտասախան հրահրում են  իմունային համակարգի մահացու հարձակումը իրենց վրա:

«Դա ավելի շատ ինքնասպանություն է, քան սպանություն», - ասաց Գրինը: «Ես կարծում են, որ դա հիմնական մեխանիզմն է, որի միջոցով CD4 բջիջները հյուծվում են, ինչն էլ ՁԻԱՀ-ի տարբերակիչ նշանն է»:

Էպիլեպսիայի դեմ դեղամիջոցը, որը շուկայում դեռ բացակայում է, պաշարում է իմունային համակարգի հարձակման մեջ հիմնական դերակատարում ունեցող ֆերմենտը:

Նախորդ հետազոտությունները ցույց տվեցին, որ սա անվտանգ է մարդկանց համար, ասաց Գրինը: Այդ պատճառով հետազոտողները դեղագործական ընկերությունների հետ բանակցություն  են վարում՝ ՄԻԱվ վարակակիրների շրջանում այս դեղամիջոցը փորձարկելու համար, տեղեկացնում է Fox News-ը։ 

Գրինն ասաց, որ եթե հետազոտությունը հաջողվի, դեղամիջոցը կիրառելի կլինի ստանդարտ դեղամիջոցների հանդեպ կայուն ՄԻԱՎ- հիվանդների շրջանում:  Նա ենթադրեց, որ հնարավոր է նույնիսկ, ֆերմենտը պաշարող դեղամիջոցը կարող է օգնել արմատախիլ անել վիրուսը մարդու օրգանիզմից: