նախընտրելի դարձնել
2-րդ տիպի շաքարախտը գնալով ավելի տարածված է դառնում աշխարհում: Տվյալ դեպքում հավելյալ քաշը ամենազգալի գործոնն է, ինչը նշանակում է, որ դիետան, վարժությունները եւ արյան շիճուկի մեջ լինոլենաթթվի խտությունը կարող են նվազեցնել շաքարախտի զարգացման ռիսկը: Արեւելյան Ֆինլանդիայում իրականացված հետազոտության սկզբում ՝1984-1989 թթ-ին, որոշվել է 42-60 տարեկան 2 212 տղամարդու արյան շիճուկում օմեգա 3 ճարպաթթուների խտությունը, հաղորդում է Newsmax Health-ը:
Հետազոտության 19 տարիների ընթացքում 422 տղամարդու մոտ ախտորոշվել է 2-րդ տիպի շաքարախտ:
Հետազոտության մասնակիցներին չորս խմբերում տվել են երկար շղթայով օմեգա 3 ճարպաթթուների տարբեր խտություն: Օմեգա 3 ճարպաթթուների առավելագույն խտությամբ տղամարդկանց մոտ 2-րդ տիպի շաքարախտի զարգացման ռիսկը 33%-ով ցածր է եղել, ի տարբերություն օմեգա 3 ճարպաթթուների ամենացածր խտություն ստացողների:
Diabetes Care ամսագրում հրապարակված հետազոտությունը լույս է սփռում ձկան օգտագործման եւ 2-րդ տիպի շաքարախտի զարգացման ռիսկի կապի միջեւ: Լավ հավասարակշռված դիետան պետք է ներառի նվազագույնը շաբաթական երկու ձկնային ճաշատեսակ, նախընտրելի է ՝ յուղոտ ձուկ:
Երկար շղթայով օմեգա 3 ճարապաթթուներով հարուստ ձկներն են՝ սաղմոն, ծիածանափայլ իշխան, ծովատառեխ, անչոուս (անձրուկ), սարդինա եւ սկումբրիա:
