նախընտրելի դարձնել
Կլինիկական հետազոտությունների միջանկյալ փուլի արդյունքները ցույց են տվել, որ մկանային վնասվածքների բուժումը պլացենտայից ստացված ցողունային բջիջներով անվտանգ է: Հետազոտությունն իրականացրած Pluristem Therapeutics ընկերությունը հայտարարել է, որ բջիջները կարող են արդյունավետ լինել օրթոպեդիկ վնասվածքների բուժման համար:
«PLX-PAD-ի միջոցով բուժված հիվանդների մոտ ավելի շատ դրական փոփոխություններ են տեղի ունեցել մկանային կծկումների հարցում, քան պլացեբո ընդունող խմբի մասնակիցների մոտ»,- հայտարարել են իսրայելական Pluristem ընկերության ներկայացուցիչները:
Հետազոտությունն իրականացվել է Շարիտեյի համալսարանի բժշկական դպրոցի օրթոպեդիկ կլինիկայում Գերմանիայի Paul-Ehrlich համալսարանի առողջապահության ներկայացուցիչների հովանու ներքո, հաղորդում է Fox News-ը:
«Սա շատ կարեւոր հետազոտություն է ոչ միայն Pluristem-ի համար, այլ բջջային թերապիայի ողջ բնագավառի համար»,- ասաց Pluristem-ի գլխավոր գործադիր տնօրեն Զեմի Աբերմանը: «Հիմնվելով այս արդյունքների վրա՝ մենք մտադիր ենք առաջ շարժվել, իրականացնելով մկանային վնասվածքների բուժման մարտավարությունը PLX բջիջների կիրառմամբ »:
«Հետազոտություը ցույց է տվել, որ PLX-PAD բջիջներն անվտանգ են եւ լավ են ընդունվոււմ հիվանդների կողմից»,- ասվում է ընկերության հայտարարությունում:
Նստային մկանների անալիզը PLX-PAD բջիջներ ստացած հիվանդների մոտ ցույց է տվել մկանային զանգվածի աճ, ի տարբերություն պլացեբո ընդունող խմբի մասնակիցների:
