Մեծ քանակությամբ յուղոտ ձուկ օգտագործելը կարող է պաշտպանել տեսողության տարիքային կորստից: Այս մասին նշված է նոր հետազոտության մեջ, որը հրապարակվել է Cellular and Molecular Neurobiology ամսագրում:
Յուղոտ ձուկը (իշխան, սարդինա, ծովատառեխ եւ այլն) Օմեգա-3 ճարպաթթուներ է պարունակում՝ նյութ, որը մեծացնում է նորմալ տեսողության համար չափազանց կարեւոր բջիջների կենսունակությունը: Գիտնականների խոսքով՝ Օմեգա-3 ճարպաթթուները մարդու աչքի բջիջներին օգնում են ավելի արդյունավետորեն հաղթահարել սթրեսները, օրինակ՝ արյան մատակարարման անբավարարության հետեւանքով առաջացած:
Լաբորատոր թեստերում մարդու աչքի բջիջները ենթարկել են լույսի մշտական ազդեցության՝ պարզելու համար, թե որքան լավ են հաղթահարում դրա ազդեցությունը: Օմեգա-3 ճարպաթթուներն օգտագործելիս բջիջներն ավելի լավ են դիմացել այս փորձությանը:
Աչքի ցանցաթաղանթը հյուսվածքի բարակ շերտ է, որը աչքի հետին հատվածում է: Այն լույսը կոնվերտացնում է ուղեղ ուղարկվող ազդանշանի, որտեղ կերպարներն են մշակվում: Ցանցաթաղանթի վնասումը մակուլայի դեգեներացիա է առաջացնում, որը պատասխանատու է այն բանի համար, ինչը մենք անմիջաբար տեսնում ենք մեր առջեւ, այսինքն՝ կենտրոնական տեսողության համար: Տեսողության այս տեսակը չափազանց կարեւոր է ընթերցելու, գրելու եւ գույները տարբերակելու համար:
Գիտնականների խոսքով՝ յուղոտ ձուկը պարունակում է նաեւ Օմեգա-6 թթուներ, որոնք բորբոքումներ են առաջացնում, նշանակում է նաեւ վտանգ են սպառնում տեսողությանը, որոնց գործողությունն ամբողջությամբ ճնշում են Օմեգա-3 թթուները:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր