Մանկական ասթմայի բուժումը դեպքերի 40-70 տոկոսում արդյունավետ չէ: Սակայն Cincinnati Children’s Hospital-ի գիտնականները նոր միջոց են գտել, որը օգնում է պարզել, ինչքանով է արդյունավետ կորտիկոստերոիդների միջոցով բուժումը:
Համապատասխան հոդվածը լույս է տեսել Journal ofAllergy and Clinical Immunology ամսագրում: Գիտնականները ասթմայով տառապող 5-18 տարեկան 57 երեխա են հետազոտել: Կորտիկոստերոիդներ շնչելուց 18-24 ժամ հետո հետազոտվողներից վերին շնչառական ուղիների նմուշ են վերցրել՝ պարզելու համար, ինչպես են փոխվել գեները բուժումից հետո և արդյոք բուժումն արդյունավետ էր:
Այսպիսով, գիտնականները 31 գեն են գտել, որոնց գործառույթներն այլ էին՝ առողջ մարդկանց գեների համեմատ: 5-ը այս գեներից կարող էին կանխատեսել բուժման արդյունավետությունը: Գիտնականները հետազոտել են հիվանդների մեկ այլ խմբի նույն այդ գեները և պարզել, որ այն մարդկանց մոտ, որոնց դեպքում բուժումն արդյունավետ էր, այս գեները ավելի ակտիվ էին, քան այն մարդկանց մոտ, որոնց բուժումն արդյունավետ չէր:
Այնուհետև գիտնականները մեկ այլ գեն են ուսումնասիրել՝ VNN-1, որը օգնեց պարզել, ինչու որոշ դեպքերում բուժումն արդյունավետ չէ: Պարզվեց, որ այս գենը կապված է հավելյալ բորբոքային հիվանդությունների հետ (ասթմայից բացի):
Կան մի շարք դեղեր, որոնք ազդում են VNN-1 գենի վրա, և այդ դեղերը կարող են օգնել բուժել կորտիկոստերոիդների նկատմամբ կայուն ասթման:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր