Ճակնդեղը կարող է պաշտպանել աղիքի քաղցկեղից

Ճակնդեղը կարող է պաշտպանել աղիքի քաղցկեղից, հայտնում են Հայդելբերիգի (Գերմանիա) քաղցկեղային կենտրոնի մասնագետները: Նրանց խոսքով՝ ճակնդեղը այն մթերքների ցուցակում է, որոնք իսկապես արդյունավետ են քաղցկեղային հիվանդությունների կանխարգելման տեսանկյունից:

Գիտնականների խոսքով՝ կանխարգելման տեսանկյունից ճակնդեղը նույնիսկ բրոկկոլիից օգտակար է: Վերջինս վաղուց համարվում է արդյունավետ հակաօկսիդանտ, որը պայքարում է օրգանիզմում օքսիդացման գործընթացների հետ:

Բրոկոլին, մասնագետների խոսքով, աչքի է ընկնում օրգանիզմից քաղցկեղային նյութերը հեռացնող նյութի պարունակության բարձր մակարդակով: Իր այս հատկությամբ այն նվազեցնում է չարորակ ուռուցքների զարգացումը: Ինչ վերաբերվում է ճակնդեղին, ապա այն, ինչպես նշում են գերմանացի կենսաբանները, հարուստ է գլյուկոզինալատներով, որոնք հակաքաղցկեղային ազդեցություն ունեն: Դրանց պարունակության բարձր մակարդակով էլ պայմանավորված են ճակնդեղի՝ քաղցկեղից պաշտպանող հատկությունները:

Հատկանշական է, որ ճակնդեղը առանձնակի խնամք չպահանջող բանջարեղեն է, եւ այդ պատճառով այն աճում է գրեթե ամենուր եւ նաեւ աղքատների սնունդ է համարվում: Այսպիսով ճակնդեղ կարող են օգտագործել բոլոր մարդիկ՝ անկախ իրենց եկամուտներից:

Ավելի վաղ «American Journal of Clinical Nutrition»-ը հայտնել էր նաեւ, որ ճակնդեղի հյութում պարունակվող հակաօկսիդանտների ազդեցությամբ պայմանավորված՝ չեզոքացվում են ազատ ռադիկալները, որոնց ակտիվությունը հանգեցնում է ուռուցքների զարգացմանը: 

Հետևեք NEWS.am Medicine-ին Facebook-ում և Twitter-ում