Տոներից հետո մենք բոլորս ուզում ենք  սկսել սնվել առողջ մթերքներով:  Բայց երբեմն մենք շատ ենք կենտրոնացնում ուշադրությունը ՝ հաշվելով սպիտակուցների եւ բջջանքի գրամները կամ կենտրոնանում ենք կոնկրետ սննդամթերքների վրա: Հեշտ (եւ ավելի հաճելի է) ձեր ճաշատեսակենրին եւ նախուտեստին ավելի շատ գույներ հաղորդել:

Ֆրենսիս Լարգեման Ռոտը դիետոլոգ է, ինչպես նաեւ առողջապահության ընդունված փորձագետ եւ «Գունավոր դիետա» գրքի հեղինակ: Գիրքը համով, առողջ բաղադրատոմսեր է առաջարկում ձեր եւ ձեր ընտանիքի համար՝ գունավոր ճաշատեսակներ ավելացրեք ձեր սեղանին: Մրգերն ու բանջարեղենը պարունակում են միացություններ, որոնք նվազեցնում են սրտային հիվանդությունների եւ ինսուլտի, քաղցկեղի որոշ տեսակների, քրոնիկ շնչառական հիվանդությունների, շաքարախտի եւ ճարպակալման ռիսկը:

Fox News-ը ներկայացնում է  գունավոր դիետայի ձեռնարկը եւ յուրաքանչյուր գունային ընտանիքի առավելությունները.

Կարմիր

Այս մեծ եւ գեղեցիկ մրգերի եւ բաջարեղենի ընտանիքը  ոչ միայն շատ գրավիչ է, այլ նաեւ սննդարար է եւ սրտի համար օգտակար նյութեր է պարունակում:  Կարմիր ընտանիքի շատ ներկայացուցիչներ պարունակում են մեծ քանակությամբ հակաօքսիդանտներ՝ վիտամին C, կալիում եւ բջջանք:

Սննդամթերքներն են՝ տանձ, մալինա, ելակ, ձմերուկ, լոլիկ, բազուկ, կարմիր պղպեղ, խավարծիլ, լոռամիրգ, մասուր, կարմիր խնձոր, կարմիր սոխ:

Նարնջագույն

Նարնջագույն ընտանիքը պարունակում է բետա- կարոտին:  Օրգանիզմում այն վերափոխվում է վիտամին A-ի, որն անհրաժեշտ է մաշկի եւ աչքերի, ինչպես նաեւ առողջ իմունային եւ վերարտադրողական համակարգի  համար:

Սննդամթերքներ. Դդում, նարնջագույն պղպեղ,քաղցր կարտոֆիլ, ընկույզ, մանգո, նարինջ, ծիրան, դեղձ, սեխ, գազար:

Դեղին

Այս արեւային խումբը պարունակում է հակաօքսիդանտներով հարուստ նյութեր, որոնք օգնում են պայքարել  քրոնիկ հիվանդությունների, ինչպես նաեւ քաղցկեղի եւ սրտի հիվանդությունների դեմ:

Սննդամթերքներ. դեղին ճակնդեղ, դեղին թուզ, կիտրոն, դեղին բուլղարական պղպեղ:

Կանաչ

Կանաչը մայր բնության սիրելի գույնն է: Կանաչ ընտանիքի  մեծամասնությունը նպաստում է  նիհարելուն,  մեկ բաժակը պարունակում է 50-ից քիչ կալորիա, այնպես որ իմաստ ունի  դրանցով լցնել ձեր ամանը: Նրանք նաեւ պարունակում են երկարակեցության համար հակաօքսիդանտներ: Շատ կանաչ բանջարեղեններ բուսակերների համար երկաթի, ինչպես նաեւ վիտամին B՝ ֆոլաթթվի, աղբյուր են, որն անհրաժեշտ է առողջ հղիության համար:

Սննդամթերքներ. Կիվի, ավոկադո, բրոկոլի, վարունգ, սպանաղ, կաղամբ, սամիթ,  բրյուսելյան կաղամբ, ծնեբեկ, ոլոռ, մանանեխի կանաչի, լայմ, կրեսս-սալաթ:

Կապույտ, ինդիգո եւ մանուշակագույն

Սննդամթերքի այս ընտանիքը ապահովում է անտոցիանի մեծ քանակություն՝ հակաօքսիդանտ, որը պայքարում է բորբոքման  հետ եւ կարող է նվազեցնել  սրտային հիվանդությունների եւ քաղցկեղի ռիսկը: Եվ այս հիասքանչ ընտանիքի որոշ ներկայացուցիչներ, կարող են նաեւ օգնել պահպանել ձեր հիշողությունը եւ բարձրացնել մտավոր ունակությունները:

Սննդամթերքներ՝ մանուշակագույն կաղամբ, մորի, սեւ հաղարճ, սմբուկ, սեւ սալոր, թուզ, մանուշակագույն կարտոֆիլ, խաղող, մանուշակագույն գազար:

Սեւ

Բջջանքով եւ հակաօքսիդանտներով հարուստ այս ամբողջական հացահատիկները, լոբին, մրգերը, սունկը, սերմերը սննդին հագեցած համ են ավելացնում եւ նվազեցնում են  շաքարախտի եւ սրտային հիվանդությունների ռիսկը: Բացի այդ, այս խմբում է բոլորի կողմից սիրված շոկոլադը:

Սննդամթերք. Կոկոս, սունկ, ձիթապտուղ, շոկոլադ, չիայի սերմ, կանեփի սերմ, գարի, վուշի սերմ, սեւ բրինձ, սեւ լոբի: