Հոգեթերապեւտի հետ աշխատանքը երաժշտական տեսահոլովակի ստեղծման վրա կարող է օգնել քաղցկեղով հիվանդներին իրենց ավելի լավ զգալ, ասվում է նոր հետազոտության մեջ:

Հետազոտողներն ուսումնասիրել են 11-24 տարեկան 113 երիտասարդ մարդկանց, ովքեր  քաղցկեղի դեմ բուժում են ստանում ցողունային բջիջների ներերակային ինֆուզիայի միջոցով: Նրանց մեծամասնությունը հիվանդ է սպիտակարյունությունով  կամ լիմֆոմայով:

Ինֆուզիայի նախապատրաստումը ուղղակի ուժասպառ է անում: Սկզբից հիվանդներին կատարում են քիմիոթերապիա կամ ճառագայթում՝ քաղցկեղային բջիջներից ազատվելու համար: Այս միջամտությունների ընթացքում հիվանդի իմունային համակարգը սաստիկ թուլանում է, եւ հաճախ նրանք շաբաթներով  պառկում են հիվանդանոցում սրտխառնոցի եւ բերանի խոռոչի խոցերի պատճառով, տեղեկացնում է Fox News-ը։

Բոլոր հիվանդները հետազոտության ընթացքում հիվանդանոցում գտնվելու ժամանակ շաբաթական երեք անգամ հանիպել են  երաժշտական թերապեւտի հետ:  Նրանց մի մասը թերապեւտների հետ աշխատել է երաժշտական տեսահոլովակների ստեղծման, բառեր գրելու եւ երքերի ձայնագրության վրա, իսկ մյուսը ՝աուդիոգրքեր է լսել:

Հետազոտության ավարտին երժշտական տեսահոլովակների խմբի  երիտասարդները իրենց տեսահոլովակի պրեմիերային են հրավիրել իրենց հարազատներին եւ ընկերներին:

Հետազոտողները բացահայտել են, որ  տեսահոլովակի ստեղծումից անմիջապես հետո երիտասարդներն ավելի դրական կերպով են հաղթահարում քաղցկեղը, քան աուդիագրքեր լսողները: Բուժումից մի քանի ամիս անց, նրանք մեծ օգնություն են զգացել բժիշկների, ընկերների եւ ընտանիքի կողմից եւ հաղորդել են ընտանեկան միջավայրի բարելավման մասին:

Մանկական հիվանդանոցներում երաժշտական թերապիան վերջերս ավելի հաճախ է դիտարկվում որպես  ստանդարտ թերապիայի մաս: