19-րդ եւ 16-րդ պոլիկլինիկաների խախտումների դեպքերով ոստիկանությունն է զբաղվում. Դավիթ Խաժակյան

11 հունիսի, 2018  12:55

Երեւանի 19-րդ եւ 16-րդ պոլիկլինիկաների խախտումների դեպքերով արդեն ոստիկանությունն է զբաղվում, եւ բավականաչափ նյութ է հավաքվել քրեական գործ հարուցելու համար: Այս մասին լրագրողների հետ հանդիպման ժամանակ ասաց Երեւանի ավագանու «Ելք» խմբակցության ղեկավար Դավիթ Խաժակյանը:

Նա նշեց, որ ինքն ու խմբակցության անդամ Թեհմինա Վարդանյանը ստուգումներ չեն անցկացնում, այլ գնում են աշխատակիցներից ստացած կոնկրետ ահազանգերի հետքերով: Նման ահազանգերով են այցելել նաեւ 16-րդ ու 19-րդ պոլիկլինիկաներ եւ պարզել, որ խոսքը տնօրենների կողմից պաշտոնեական դիրքի գերազանցման մասին է, եւ Երեւանի քաղաքապետարանը երկար տարիներ դրա վրա աչք է փակել: Իսկ տնօրենները խոշոր եկամուտներ են ստանում: Կոնկրետ 16-րդ պոլիկլինիկայում եղել է ուռճացված հաստիքակազմ, սակայն դրանց մի մասը ֆիկտիվ էր, եւ այդ ամբողջ գումարը հայտնվել է տնօրենի գրպանում: «Խոսքը ամսական մի քանի հարյուր հազար դրամ ֆիկտիվ աշխատավարձի մասին է, խոսքն արձակուրդայինների մասին է, որոնք նույնպես տնօենին են փոխանցվել, եւ ամսական կտրվածքով այդ գումարը միլիոն դրամից անցնում է: Բոլոր բուժաշխատողների միջեւ հավասարաչափ բաժանելու դեպքում կլիներ աշխատավարձի նկատելի աճ»,- ասաց Դավիթ Խաժակյանը:

Ինչպես հայտնեց Թեհմինա Վարդանյանը, 19-րդ պոլիկլինիկայում իրավիճակը լարվում է. հունիսի 8-ին տնօրեն Սամվել Սարգսյանը ժողով է անցկացրել, որի ժամանակ աշխատակիցներին սպառնացել է, որից հետո աշխատակիցների մի մասն այցելել է Առողջապահության նախարարություն եւ հանդիպել փոխնախարար Անահիտ Ավանեսյանի հետ: Փոխնախարարը խոստացել է խնդրով զբաղվել:

Դավիթ Խաժակյանը հավելեց, որ 19-րդ պոլիկլինիկայի դեպքում ուռճացված է ոչ թե աշխատակիցների հաստիքացուցակը, այլ տրամադրվող վճարովի ծառայությունների ցուցակը: Մասնավորապես՝ սարքեր կան, որոնց համար վճարում են թե՛ բնակիչները, թե՛ բժիշկները, բայց դրանք երբեք չեն գործել: «Այսինքն՝ բուժաշխատողի վրա պլան է դրված, իրենց խոսքով «նալոգ», եւ իրենք ստիպված են վճարել նույնիսկ այն դեպքում, երբ «պլանը» չի հաջողվում կատարել վճարովի ծառայությունների հաշվին, եւ այդ դեպքում սեփական աշխատավարձից են վճարում»,- ասաց խմբակցության ղեկավարը:

Թեհմինա Վարդանյանի խոսքով՝ այս «նալոգը» գործում է նույնիսկ այն ժամանակ, երբ աշխատակիցները գործուղման մեջ են: Նա հիշեցրեց, որ խոսքը չաշխատող մամոգրաֆի մասին է, որի համար ամեն ամսվա վերջին դրամարկղային կտրոններ են տպվել՝ միեւնույն օրով մի քանի րոպեի տարբերությամբ:

Ինչպես պարզաբանեց Դավիթ Խաժակյանը, այս դեպքում «նալոգը» բժիշկների վրա դրված ամեն ամիս 40 հազար դրամ վճարելու պարտավորությունն է: Եթե ամսվա ընթացքում բուժաշխատողը չի կարողանում այս գումարն ապահովել, ապա պետք է վճարի իր գրպանից:

Խմբակցության ղեկավարը նաեւ նշեց, որ Երեւանի պոլիկլինիկաներում նման սխեմաները գոծել են երկար տարիներ, պարզապես աշխատակիցները այդ մասին հիմա են սկսել խոսել, քանի որ իրավիճակ է փոխվել, եւ նրանց մոտ փոփոխությունների հույս է ծնվել: Չնայած գանգատներ եղել են նաեւ նախկինում:

Այսպես՝ Թեհմինա Վարդանանը վկայակոչեց նաեւ 19-րդ պոլիկլինիկայի վերաբերյալ NEWS.am Medicine-ի հրապարակումները, որոնք կատարվել են դեռեւս 2018 թվականի հունվարին՝ Ամանորից առաջ աշխատավարձի 10 տոկոսը պահելու աշխատակիցների գանգատի մասին:

Նա նաեւ նշեց, որ բժիշկներին աշխատանքի են ընդունում 1500-2000 դոլար կաշառքի կամ մաղարիչի դիմաց, եւ տնօրենն այն անվանում է «մեկուկես կամ երկու կիլոգրամ խնձոր»:

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի