Ո՞ր տարիքից երեխաներին կարելի է զբաղվել տարբեր սպորտաձեւերով: Իտալիայի Մանկաբույժների միությունը պատասխանել է այդ հարցին.
Պարզվում է երեխաներին մինչեւ 3 տարեկանը չի կարելի զբաղվել սպորտով. նրանց մարմինը դեռեւս պատրաստ չէ ֆիզիկական ծանրաբեռնվածությանը:
3 տարեկան: Այս տարիքում, ըստ մասնագետի, երեխաներին կարելի է սկսել լողով զբաղվել: Լողի ժամանակ երեխան կարող է աշխատեցնել իր ողջ մկանային զանգվածը, բայց լուրջ վնասվածքի վտանգ չկա: Բնականաբար, երեխան լողավազանում պետք է գտնվի մեծահասկաների հսկողության ներքո:
4 տարեկան: Այս տարքիում երեխաներին կարելի է դահուկներով սահել սովորեցնել: Սակայն կրկին մեծահասկաների հսկողության ներքո:
5 տարեկան. Այս տարիքում երեխան կարող է սկսել մարմնամարզությամբ զբաղվել, սակայն մարզումները պետք է շատ ծանրաբեռնված չլինեն:
6 տարեկան: Մանկաբույժները կարծում են, որ այս տարքիը հարմար է ֆուտբոլով զբաղվելու համար: Մինչեւ 6 տարեկանը խաղերի ժամանակ լուրջ վնասվածքներ ստանալու վտանգը շատ մեծ է:
6-7 տարեկան: Այս տարիքից կարելի է արդեն մարտարվեստով զբաղվել. դրանք ոչ միայն նպաստում են ֆիզիկական զարգացմանը, այլեւ բարելավում են կոորդինացիան, շնչառության տեխնիկան: Մարզումները սակայն պետք է փորձառու մասնագետը անցկացնի:
7-8 տարեկան: Այս տարքիում երեխային կարելի է տալ թենիսի, սուսերամարտի:
10-11 տարեկան: Այս տարքիում երեխային արդեն կարելի է զբաղվել բասկետբոլով եւ վոլեյբոլով:
«Մանկական տարիքում ֆիզիկական ակտիվությունը կարեւոր բազա է ստեղծում հետագայում այնպիսի հիվանդությունների կանխարգելման համար, ինչպիսիք են սրտանոթային հիվանդությունները, ճարպակալումը, դիաբետը, շնչուղիների հիվանդությունները, ասթման եւ այլն:
Սակայն իսկական սպորտային նախապատրաստմանը պետք չէ 8 տարեկանից շուտ անցնել», - ասել է մանկաբույժների միության նախագահ Ալբերտո Վիլլանին:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր