• Latest news

Ինչպե՞ս է շաքարախտն ազդում ատամների առողջության վրա

1 հունիսի, 2022  13:30

1-ին եւ 2-րդ տիպի շաքարախտով մարդիկ հակված են կարիեսի, եւ Ռութգերսի նոր հետազոտությունը կարող է բացատրել դրա պատճառները. Էմալի եւ դենտինի՝ էմալի տակ գտնվող կարծր նյութի, որն ատամներին կառուցվածք է հաղորդողում, ամրության կրճատում:

Հետազոտողները 35 մկների մոտ 1-ին տիպի շաքարախտ են առաջացրել եւ 28 շաբաթվա ընթացքում օգտագործել են Վիկերսի միկրոկարծրաչափը՝ դրանց ատամները 35 առողջ մկների ատամների հետ համեմատելու համար: Թեեւ երկու խմբերն էլ սկզբում համեմատելի ատամներ ունեին, սակայն 12 շաբաթ անց դիաբետիկ մկների էմալը զգալիորեն ավելի փափուկ էր, եւ այդ խզումը հետազոտության ընթացքում շարունակել է մեծանալ: Դենտինի միկրոկարծրության մեջ զգալի տարբերություններ են սկսել ի հայտ գալ 28-րդ շաբաթում։

Archives of Oral Biology ամսագրում հրապարակված հետազոտությունը Ռութգերսի ստոմատոլոգիական բժշկության դպրոցի հետազոտողների տարիների հետազոտությունների արդյունք է, որոնց նպատակն էր պարզել, թե ինչպես է շաքարախտն ազդում ատամների առողջության վրա, եւ բուժում մշակել` դրա բացասական հետեւանքներին հակազդելու համար:

Նախորդ հետազոտությունները ցույց են տվել, որ երկու տեսակի շաքարախտով հիվանդ մարդկանց մոտ զգալիորեն ավելացել է բերանի խոռոչի հիվանդությունների մեծ մասը՝ ինչպես ատամների, այնպես էլ դրանք շրջապատող փափուկ հյուսվածքների: Նոր հետազոտության ընթացքում գիտնականները նաեւ ցույց են տվել, որ շաքարախտը կարող է խանգարել ատամներին հանքանյութեր ավելացնելու շարունակական գործընթացին, քանի որ սովորական օգտագործման արդյունքում  դրանք մաշվում են:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել