Մանուկ հասակում վարակված մարդկանց մոտ գրիպի հանդեպ ավելի ուժեղ իմունային պատասխան է լինում

Ավստրալիայից և ԱՄՆ-ից միկրոկենսաբանների և վարակաբանների միջազգային թիմը բացահայտել է, որ գրիպի տարբեր տեսակներով վարակված երեխաները չափահաս դառնալիս  ավելի ուժեղ իմունային պատասխան են ցուցաբերում նույն շտամի նկատմամբ:

Nature Microbiology հանդեսում հրապարակված իր ուսումնասիրության մեջ թիմը վերլուծել է մոտ 100 տարվա ընթացքում հիվանդներից հավաքված շիճուկի նմուշների տվյալները:

Բժիշկները վաղուց էին կասկածում, որ վաղ տարիքում գրիպի վիրուսի որոշ շտամներով վարակումը հետագա կյանքում մեծահասակներին պաշտպանում է նույն շտամից:

Նոր աշխատանքում հետազոտական ​​թիմը փորձել է ապացուցել այս տեսությունը՝ չափելով հակամարմինների մակարդակը արյան շիճուկի 1499 նմուշներում, որոնք հավաքվել են գրիպով հիվանդներից 1917-2008 թվականներին Միացյալ Նահանգներում և Ավստրալիայում, և համեմատել իմունային պատասխանը գրիպի այս և այլ շտամների նկատմամբ ավելի ուշ տարիքում: Գիտնականները պարզել են, որ տվյալ շիճուկի նմուշում հակամարմինների ամենաբարձր խտության աստիճանը համապատասխանում է գրիպի շտամին, որն առավել տարածված է եղել հիվանդի մանկության տարիներին, որպես կանոն՝ նրա կյանքի առաջին հինգից տասը տարիների ընթացքում:

Հայտնաբերված օրինաչափությունները ցույց են տալիս, որ վաղ տարիքում գրիպի վիրուսով վարակումն ազդում է իմունային համակարգի վարքագծի վրա, երբ հետագայում ենթարկվում է գրիպի վիրուսի նույն շտամին:

Նրանք միաժամանակ հայտնաբերել են, որ իմունային համակարգը հակված է ավելի ուժեղ արձագանքելու շտամներին, որոնք նման են մանկության տարիների շտամներին: Թիմը ենթադրում է, որ հայտնագործությունը կարող է հետազոտության նոր ուղիներ բացել գրիպի բռնկումների դեմ պայքարի լավագույն միջոցը գտնելու համար:

Եթե ​​համաճարակի կամ համավարակի սկզբում հայտնի է, որ որոշ մարդիկ, ամենայն հավանականությամբ, անձեռնմխելի են նոր բռնկում առաջացնող շտամի նկատմամբ, դա կնվազեցնի համատարած պատվաստումների անհրաժեշտությունը՝ հեշտացնելով հիվանդության տարածումը դանդաղեցումն և կնվազեցնի գրիպի ազդեցությունը:

Գիտնականները միաժամանակ նշում են, որ իրենց հայտնագործությունը կարող է հանգեցնել գիտափորձերին՝ հասկանալու համար՝ ինչու է վաղ փոխազդեցությունն ավելի ուշ իմունային պատասխաններ հարուցում:

Հետևեք NEWS.am Medicine-ին Facebook-ում և Twitter-ում