Պլաստիկե շշերում առկա քիմիական նյութ բիսֆենոլ A-ի (ԲՖA)  ազդեցությունը պտղի վրա դեռեւս մոր արգանդում   ավելի ուշ տարիքում հանգեցնում է շագանակագեղձի քաղցկեղի, ցույց է տալիս մկների վրա իրականացված հետազոտությունը:

Միչնդեռ հետազոտության արդյունքները չեն կարող ապացուցել ԲՖA-ի եւ քաղցկեղի առաջացման միջեւ պատճառահետեւանքային կապը, տեղեկացնում է Newsmax Health-ը։

Համաձայն հետազոտության հեղինակների, ԲՖA-ն սովորաբար պարունակվում է  առօրյա սննդամթերքի մեջ, ինչպես օրինակ՝ պլաստիկե շշերի ջրի եւ պահածոյացված ապուրների, եւ բարձրացնում է ցողունային բջիջների զգայունությունը էստրոգենի հանդեպ: Էստրոգենն առկա ինչպես կանանց, այնպես ել տղամարդկանց օրգանիզմում:

Ժամանակի ընթացքում հորմոնի հանդեպ զգայունությունը կարող է տղամարդկանց մոտ խոցելիություն առաջացնել շագանակագեղձի քաղցկեղի նկատմամբ, ասում են հետազոտողները:

Հետազոտության ընթացքում, որի արդյունքները հրապարակվել են Endocrinology օնլայն ամսագրում, գիտնականները վերցրել են մահացած երիտասարդների շագանակագեղձի ցողունային բջիջները եւ փոխպատվաստել մկներին: Հետո մկներին երկու շաբաթվա ընթացքում տվել են ԲՖА՝ պարզելու համար վերջինիս ազդեցությունը:

Մեկ ամիս անց մկներին տվել են էստրոգեն՝ նմանակելու համար հորմոնի մակարդակը, որը սովորաբար տարիքի հետ բարձրանում է տղամարդկանց մոտ: 2-4  ամիս անց վերցրել են մկների հյուսվածքի նմուշներ՝ շագանակագեղձի քաղցկեղի սկրինինգի համար:

Հետազոտությունը ցույց է տվել, որ  ԲՖА-ով կերակրվող մկներից վերցված հյուսվածքների նմուշները  ունեցել են կա՛մ նախաքաղցկեղային ախտահարումներ, կա՛մ շագանակագեղձի քաղցկեղ: Ստուգիչ խմբում, որտեղ մկներին ԲՖА չեն կերակրել, այդ ցուցանիշը կազմել է 12%։