նախընտրելի դարձնել
Անգլիացի բժիշկները ստեղծել են կրծքի քաղցկեղի դեմ պայքարի անսովոր իմպլանտ, որի ներսում գտնվում է քարրի եւ քուրքումին: Այն չորացնում է ոռուցքը մեկ երրորդի չափով եւ կանգնեցնում է չարորակ բջիջների բազմացումը, հաղորդում է The Daily Mail-ը:
Քանի որ մարդն ի վիճակի չէ մեծ քանակությամբ համեմունքներ ուտել, Լուիսվիլլի համալսարանի գիտնականները որոշել են համեմուքները ներմուծել անմիջապես ուռուցքի մեջ: Նրանք համեմունքները տեղավորել են մինչեւ 2 միլիմետր երկարություն ունեցող լուծվող պատիճների մեջ: Պատիճը պարունակում է 200 միլիգրամ փոշի:
Մասնագետները մկներին փոխպոտվաստել են երկու այդպիսի պատիճ կամ կերակրել են նրանց համեմունքներով: Հետագա չորս ամիսների ընթացքում գիտնականները հետեւել են ուռուցքի աճին: Պարզվել է, որ սննդում համեմունքների օգտագործումը ազդեցություն չի ունեցել: Մինչդեռ պատիճ-վիտամինները թույլ չեն տվել քաղցկեղային բջիջներին արագ կիսվել, ինչը փոքրացրել է ուռուցքը:
Քուրքումինը հայտնի է իր հակաօքսիդանտային եւ հակաբորբոքային հատկություններով: Հնարավոր է, այն նաեւ պաշարում է կրծքի ուռուցքի աճը խթանող հորմոնի ազդեցությունը: Հիմա անկախ փորձագետները փորձում են պարզել, արդյոք քուրքումինի ներմուծումը անմիջապես ուռուցքի մեջ կարող է բարձրացնել արդյունավետությունը:
