Պիստակ՝ առողջության համար օգտակար սուպերսնունդ

Պիստակը հարուստ է մի շարք վիտամիններով ու միներալներով եւ շատ օգտակար է առղջության համար, նշում են մասնագետները: Ամենօրյա սննդակարգում պիստակն ընդգրկելը կարող է զգալիորեն նվազեցնել քաղցկեղի, սիրտ-անոթային հիվանդությունների եւ շնչառական հիվանդությունների առաջացման հավանականությունը:

Սա, բնականաբար, չի նշանակում, որ պետք է ամեն օր մեծ քանակությամբ պիստակ ուտել: Քլիվլենդի կլինիկայի մասնագետների խոսքով՝ պետք է օրական ուտել մեկ ու կես ունցիայից ոչ ավել՝ մոտավորապես, 50-70 հատ: Իսկ պիստակը չչարաշահելու համար խորհուրդ է տրվում կլեպով պիստակ գնել: Այդ դեպքում Դուք ստիպված կլինեք դրանք շատ ավելի դանդաղ ուտել, կլեպն էլ, բնականաբար, կհուշի, քանի հատ եք Դուք արդեն կերել:

Ահա 3 պատճառ, ինչու է պետք պիստակ ուտել

1. Պիստակը հարուստ է В6 վիտամինով, որը բարելավում է իմունային համակարգը եւ մարդու նյարդային համակարգը:

2. Պիստակը պարունակում է հակաօքսիդանտներ՝ վիտամին E, պոլիֆենոլներ եւ այլն: Այս հակաօքսիդանտները ոչ միայն նվազեցնում են քաղցկեղային հիվանդությունների զարգացման հավանականությունը, այլ նաեւ կանխում են մակուլյար դեգեներացիան:

.3. Պիստակը հարուստ է նաեւ սրտի համար օգտակար մոնոհագեցած եւ պոլիհագեցած ճարպերով եւ նվազեցնում է «վատ» խոլեստերինի քանակը արյան մեջ:

Հետևեք NEWS.am Medicine-ին Facebook-ում և Twitter-ում