Հայաստանում կանայք սկսել են ուշ ծննդաբերել

18 մայիսի, 2017  20:21

Վերջին 10 տարիներին կանայք Հայաստանում սկսել են ուշ ծննդաբերել, այդ թվում՝ առաջնեկներին: ՀՀ Ազգային վիճակագրական ծառայության բնակչության մարդահամարի եւ ժողովրդագրության բաժնի ղեկավար Կարինե Կույումջյանը մեզ հետ զրույցում նշեց, որ եթե 2005 թվականին ծնված երեխաների 75 տոկոսի մայրերը 20-29 տարեկան էին, ապա արդեն 2015-ին այդ ցուցանիշը 70 տոկոս է եղել:

2005 թվականին, մասնագետի խոսքով, 30 տարեկանն անց կանանց բաժին էր ընկնում նորածինների միայն 13 տոկոսը, իսկ 2015 թվականին այդ ցուցանիշը գրեթե կրկնակի մեծացել է. հիմա արդեն 30 եւ ավելի տարեկան կանանց բաժին է ընկնում նորածինների 25 տոկոսը:

Նշենք, որ ծննաբերող կանանց միջին տարիքը մեծանում է ոչ միայն Հայաստանում, այլեւ աշխարհի զարգացած եւ զարգացող երկրների մեծ մասում: Այսպես՝ 2013 թվականին ԵՄ երկրներում բնակվող կանանց 51.2 տոկոսն առաջին երեխային լույս աշխարհ է բերել 20-29 տարեկանում, իսկ 40.6 տոկոսը՝ 30-39 տարեկանում: Միաժամանակ, ԵՄ երկրներում առաջին երեխային լույս աշխարհ բերող կանանց միջին տարիքը 28.7 տարեկանն է:

Նկատենք նաեւ, որ տարածված կարծիքի համաձայն՝ ուշ տարիքում ծննդաբերությունը մի շարք վտանգներ է պարունակում երեխայի առողջության համար: Մեծահասակ մայրերը, ի տարբերություն երիտասարդների, ավելի հաճախ են Դաունի սինդրոմով եւ մի շարք այլ գենետիկ հիվանդություններով երեխաների լույս աշխարհ բերում:

Մյուս կողմից՝ այլ հետազոտություններ ցույց են տվել, որ մեծահասակ ծնողների երեխաներն ավելի առողջ են լինում, քան երիտասարդներինը: Բանն այն է, որ մեծահասակ ծնողներն ավելի մեծ պատասխանատվությամբ են վերաբերվում երեխայի խնամքին, նրանց ավելի շատ գիտելիքներ են տալիս, արագորեն են կարեւոր որոշումներ կայացնում: Բացի այդ՝ նրանք, որպես կանոն, բավարար ֆինանսական միջոցներ են ունենում, ինչը թույլ է տալիս բավարարել երեխայի բոլոր կարիքները:

Հետևեք NEWS.am Medicine-ին Facebook-ում և Twitter-ում

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: