• Latest news

16:8 սննդակարգն իրապես աշխատում է. հետազոտություն

3 օգոստոսի, 2018  23:54

Պարբերաբար քաղցած մնալը, որը հայտնի է որպես 16:8 սննդակարգ, ճարպակալմամբ մարդկանց օգնում է նիհարել եւ արյան ճնշումը նվազեցնել, ցույց է տվել Չիկագոյի Իլինոյսի համալսարանի պրոֆեսոր Քրիսթի Վարադիի նոր հետազոտությունը:

Մեր օրերում մարդկանցից շատերը արագ եւ արդյունավետորեն նիհարելու համար դիմում են 16:8 սննդակարգին:

Գոյություն ունեն այս սննդակարգի տարբեր տեսակներ, ինչը կախված է «քաղցած մնալու» եւ «շատակերության» միջեւ ժամանակի միջակայքից:

Օրինակ՝ այսպես կոչված, 5:2 սննդակարգը նախատեսում է 5 օր անընդմեջ նորմալ սնվել եւ 2 օր քաղցած մնալ: Այս 2 օրվա ընթացքում ընդունվող սննդի կալորիականությունը 500-600 կալորիան չպետք է գերազանցի:

16:8 սննդակարգի դեպքում մարդիկ օրական ուտում են միայն 8 ժամ, իսկ մնացած 16 ժամերին «քաղցած են մնում»: Նոր հետազոտությունը ցույց է տալիս, որ 16:8 սննդակարգը լավագույն արդյունք է ունենում այն մարդկանց համար, ովքեր ճարպակալմամբ են տառապում: Այս սննդակարգը ոչ միայն աշխատում է, այլեւ օգնում է նվազեցնել արյան ճնշումը:

Քաշի կորուստ՝ առանց կալորիաները հաշվելու

Հետազոտողները հավաքագրել էին ճարպակալմամբ 23 պացիենտի, որոնք 40-45 տարեկան էին, մարմնի զանգվածի 35-ին հավասար համաթվով:

Մասնակիցները կարող էին ամեն ինչ ուտել ժամը 10:00-ի եւ 18:00-ի միջակայքում, սակայն մնացյալ 16 ժամերին նրանց թույլ էր տրվում միայն ջուր խմել եւ կալորիաներ չպարունակող ըմպելիքներ:

Այս մարդիկ միջինը օրական ընդունել են 350 կալորիա պակաս, քան հսկիչ խմբում, կորցրել են իրենց քաշի 3 տոկոսը եւ ունեցել են արյան ավելի ցածր ճնշում:

Ավելի կոնկրետ՝ նրանց սիստոլիկ զարկերակային ճնշումը, ովքեր ամեն օր քաղցած են մնացել, նվազել է միջինը սնդիկի սյան 7 մմ-ով: Սակայն ինսուլինի նկատմամբ ռեզիստենտությունը, խոլեստերինը եւ ճարպային զանգվածը նույնն են մնացել համեմատվող 2 խմբերում էլ:

«Այս նախնական տվյալները վկայում են այն մասին, որ ժամանակի առումով սահմանափակ սնվելը կարելի է օգտագործել որպես ճարպակալմամբ տառապող մեծահասակների նիհարելու մեթոդ, սակայն նաեւ պահանջվում են երկարաժամկետ խոշորամասշտաբ պատահական ընտրանքով վերահսկվող հետազոտություններ»,- ասում են հետազոտողները:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է