Ճաշատեսակի կալորիականությունը կարելի է պակասեցնել շուրջ մեկ երրորդով, ընդ որում՝ չկրճատելով սննդաբաժնի չափը: Իսկ ինչպե՞ս դա անել. ներկայացնում ենք դիետոլոգ Սավինա Ռեգոյի խորհուրդները:
Մասնագետը որպես օրինակ բերել է տապակած հավը՝ բրինձով եւ բանջարեղենով, հայտնում է The Daily Mail պարբերականը: Նա իր Instagram-յան էջում ցուցադրել է ճաշատեսակի երկու տարբերակ. ձախ լուսանկարում այն պարունակում է 750 կալորիա, իսկ աջում՝ ընդամենը 460, այսինքն՝ 290 կալորիայով պակաս:
Ճաշատեսակի կալորիաների քանակությունը գրեթե երրորդ մասով կրճատելու համար դիետոլոգը վերցրեց ավելի քիչ թռչնամիս եւ բրինձ՝ հավելելով ավելի շատ բանջարեղեն: Պակաս կալորիական տարբերակում բրինձը մեկ բաժակով պակաս է, իսկ թռչնամիսը՝ 100 գրամով, փոխարենը բանջարեղենը կես բաժակով ավելի շատ է:
Ռեգոն նաեւ նշել է, որ իրեն հաճախ են խնդրում առողջ սննդի բաղադրատոմսեր երաշխավորել:
«Ճշմարտությունն այն է, որ ձեզ հարկավոր չեն առողջ բաղադրատոմսեր: Կարող եք ամեն ինչ ուտել, ինչը ձեզ դուր է գալիս»,- ասել է նա՝ հավելելով, որ գլխավորը ոչ թե բուն կերակուրն է, այլ սննդաբաժնի ճիշտ չափը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր