Ցածրկալորիական սննդակարգերը կարող են կյանքի տեւողությունը երկարացնել, պնդում են Շոտլանդիայի Աբերդինի համալսարանի գիտնականները: Նրանց հետազոտության համաձայն՝ սնվելու ցածրկալորիական ծրագրերը թույլ են տալիս 18 տոկոսով կրճատել մարմնի ավելորդ զանգվածով մարդկանց վաղաժամ մահվան հավանականությունը:
Այս հետազոտության համահեղինակ Էլիսոն Ավենելը հայտարարել է, որ առավել օգտակար են ճարպի, շաքարի եւ ռաֆինացված ածխաջրերի ցածր պարունակությամբ սննդակարգերը, հայտնում է UPI գործակալությունը:
«Քաշի կորուստը սննդակարգի կալորիականության կրճատման ճանապարհով, որոնք նաեւ քիչ են պարունակում շաքար եւ ռաֆինացված ածխաջրեր, նվազեցնում է ճարպակալմամբ տառապող մարդկանց վաղաժամ մահվան հավանականությունը»,- հայտնել է նա:
Հիմա մասնագետները պարզում են՝ ցածրկալորիական սննդակարգերը կկարողանա՞ն արդյոք նվազեցնել սրտի կամ քաղցկեղի խնդիրների առաջացման հավանականությունը: Դրական դինամիկա չի հայտնաբերվել նաեւ քաշի նվազեցման ծրագրերում ֆիզիկական վարժություններ ընդգրկելու դեպքում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր