Ավոկադոյի 5 օգտակար հատկությունները

Ավոկադոն ունիվերսալ եւ օգտակար մթերք է, որը կարելի է օգտագործել շատ ուտեստների մեջ, ավելին՝ աղանդերներ եւ թխվածքներ պատրաստելիս դրանով կարելի է փոխարինել ճարպերը:

Ավոկադոյի 5 օգտակար հատկություններն է նշել CNN Nutrition-ի թղթակից Լիզա Դրեյերը:

Ավոկադոն պարունակում է օգտակար օմեգա-3 ճարպաթթուներ

Ավոկադոն հարուստ է օմեգա-3 ճարպաթթուներով, որոնք կարող են իջեցնել արյան մեջ խոլեստերինի մակարդակը եւ նվազեցնել ինսուլտների ու ինֆարկտների հավանականությունը:

Ավոկադոն օգտակար է նյարդային համակարգի համար

Ավոկադոն համարվում է կալիումի աղբյուր, որը կարեւոր է նյարդային համակարգի աշխատանքի եւ բջիջներին սննդանյութեր մատակարարելու համար: Կալիումը նաեւ նպաստում է զարկերակային ճնշման իջեցմանը:

Ավոկադոն օգնում է պայքարել խոլեստերինի դեմ

Ավոկադոն հարուստ է չհագեցած ճարպերով, որոնք նպաստում են խոլեստերինի դուրսբերմանը եւ թրոմբոզի զարգացման ռիսկի նվազմանը:

Ավոկադոն օգնում է նորմալացնել քաշը

Ավոկադոն պարունակում է մեծ քանակությամբ բջջանյութ, որը սնուցում եւ նորմալացնում է աղիների աշխատանքը: Այդ պատճառով այս մթերքը օգտակար է նրանց համար, ովքեր հետեւում են քաշին:

Ավոկադոն օգտակար է հղի կանանց համար

Ավոկադոն պարունակում է ֆոլաթթու, որն անհրաժեշտ է ուղեղի աշխատանքի եւ առողջ հղիության համար: Այս նյութը օգնում է կանխել նորածինների բնածին արատները, ուստի հղի եւ հղիության նախապատրաստվող կանանց նույնպես խորհուրդ է տրվում ավոկադո օգտագործել:

Հետևեք NEWS.am Medicine-ին Facebook-ում և Twitter-ում